- پرەزيدەنت قاسىم-جومارت توقاەۆ توتەنشە جاعداي كەزىندە تابىسىنان ايىرىلۋىنا بايلانىستى 42 500 تەڭگە جاردەماقى الاتىن ازاماتتاردىڭ ءتىزىمى كەڭەيتىلەتىنىن مالىمدەگەنى بەلگىلى. وسىعان وراي اتالعان جاردەماقىنى تولەۋدىڭ ءتارتىبى بارىنشا جەڭىلدەتىلدى, — دەدى ماقسۇت پەرنەباي ۇلى.
م.يساحوۆتىڭ ايتۋىنشا, ەندىگى جەردە جاردەماقىعا ءوتىنىش بەرۋ ءۇشىن ەلەكتروندى تسيفرلىق قولتاڭبانىڭ بولۋى مىندەتتى ەمەس.
الدىمەن, ەتسق ارقىلى نەمەسە كورسەتىلگەن نومىرگە سمس حابارلاما جىبەرۋ ارقىلى ءبىر رەتتىك پارولمەن ەلەكتروندى ۇكىمەت پورتالىندا تىركەلۋ كەرەك. وڭ جاق بۇرىشتا اتى-ءجونىڭىز شىعادى, سوعان باسىپ, «ەلەكتروندى وتىنىشتەر» سەرۆيسىن تاڭداۋ كەرەك. «مەملەكەتتىك قىزمەتتىڭ اتاۋى» دەگەن باعاننان «توتەنشە جاعداي كەزەڭىندە مىندەتتى الەۋمەتتىك ساقتاندىرۋ جۇيەسىنىڭ قاتىسۋشىلارىنا الەۋمەتتىك تولەم تاعايىنداۋ» دەيتىن قاتاردى تاڭدايسىز. ءوز وبلىسىڭىزدى نەمەسە رەسپۋبليكالىق ماڭىزداعى قالانى تاڭداۋ قاجەت. «الۋشى» دەگەن جولعا ءوز قالاڭىز بويىنشا «جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىن» كورسەتۋ, «مازمۇنى» دەگەن جەرگە «توتەنشە جاعداي كەزەڭىندە مىندەتتى الەۋمەتتىك ساقتاندىرۋ جۇيەسىنىڭ قاتىسۋشىلارىنا الەۋمەتتىك تولەم تاعايىنداۋ» دەپ كورسەتۋ كەرەك.
بۇدان سوڭ اتى-ءجونىڭىزدى, مەكەن-جايىڭىز, جسن, تەلەفون ءنومىرى جانە ەكىنشى دەڭگەيلى بانكتەگى ەسەپشوت ءنومىرىن كورسەتىپ, ەركىن فورمادا ءوتىنىش تولتىراسىز. وتىنىشتە قاي جەردە, قانداي جۇمىس ىستەگەنىڭىزدى, قاي ۋاقىتتان باستاپ تابىستان ايىرىلعانىڭىزدى كورسەتسەڭىز جەتكىلىكتى.
جاردەماقى رەسمي تىركەلمەگەن جۇمىسشىلارعا (تاكسي جۇرگىزۋشىلەرى, ساۋداگەرلەر, اربا ايدايتىن ازاماتتار, جۇك تاسۋشىلار, شاشتارازدار, داياشىلار جانە ت.ب. ) دا تولەنەدى. ءبىر عانا تالاپ — رەسمي تىركەلمەي جۇمىس ىستەگەن ازاماتتار سوڭعى 11 ايدا ەڭ كەمىندە ءبىر رەت بىرىڭعاي جيىنتىق تولەم تولەگەن بولۋى شارت. ونىڭ كولەمى: قالالاردا – 1 اەك (2 650 تەڭگە), اۋىلدى جەردە – 0,5 اەك (1 325 تەڭگە).
ەگەر بۇعان دەيىن بىرىڭعاي جيىنتىق تولەم جاساماعان بولساڭىز ەندى تولەۋ ارقىلى دا جاردەماقىعا قول جەتكىزۋگە بولادى. بۇل تولەمدى كەز كەلگەن ەكىنشى دەڭگەيلى بانكتىڭ ءموبيلدى قوسىمشاسى ارقىلى تولەۋگە بولادى.
مۇنداي مۇمكىندىگى جوق ازاماتتار قاراپايىم ۇيالى تەلەفون ارقىلى دا بىرىڭعاي جيىنتىق تولەم تولەۋ مۇمكىندىگى قاراستىرىلعان. ول ءۇشىن 5505 قىسقا نومىرىنە لاتىن گرافيكاسىنداعى باس ارىپتەرمەن «GOROD ESP + جسن ءنومىر» (اۋىلدا تۇرساڭىز «SELO ESP + جسن ءنومىرى») دەگەن حابارلاما جىبەرەسىز. سمس حابارلاما جىبەرۋ ءۇشىن ۇيالى تەلەفون ءنومىرىڭىزدىڭ تەڭگەرىمىندە جەتكىلىكتى قاراجات بولۋى ءتيىس.
الەۋمەتتىك ساقتاندىرۋ قورى ءوتىنىش بەرىلگەن ۋاقىتتان باستاپ 1 جۇمىس كۇنىنىڭ ىشىندە شەشىم قابىلدايدى. جاردەماقى 3 جۇمىس كۇنىنەن كەشىكتىرىلمەي الۋشىنىڭ ەسەپشوتىنا تۇسەدى.
م.يساحوۆتىڭ ايتۋىنشا, E-GOV پورتالىنا قوسىلۋعا مۇمكىندىك بولماسا, Telegram مەسسەندجەرى نەمەسە www.enbek.kz سايتى ارقىلى دا ءوتىنىش جولداۋعا مۇمكىندىك بار.
