ددسۇ باسشىسى افريكا, ورتالىق ازيا, وڭتۇستىك امەريكا ەلدەرىندە ۆيرۋسقا شالدىققانداردىڭ سانى ايتارلىقتاي كوپ بولماعانىمەن دە, ونىڭ الەۋمەتتىك, ەكونوميكالىق جانە ساياسي سالدارعا سوقتىرۋى مۇمكىن ەكەندىگىن اتاپ ءوتتى. سوندىقتان دا بۇل ايماقتاردا سىناما جاساۋدى جەدەلدەتىپ, اۋىرعانداردى ەمدەۋگە كومەكتەسۋ كەرەك.
اشارشىلىقپەن كۇرەس جانە الەم جۇرتشىلىعىنىڭ اسا قاجەتتى سۇرانىسىن قامتاماسىز ەتۋگە شاقىرعان ددسۇ باسشىسى مىسالى ءۇندىستاندا وسى ماقساتتارعا بولىنگەن 24 ملرد دوللاردىڭ 800 ميلليونى ازىق-ت ۇلىككە, 204 ميلليونى از قامتىلعان ايەلدەردى قولداۋعا جۇمسالاتىندىعىنا توقتالدى.
كوپتەگەن دامىعان ەلدەر وسىنداي الەۋمەتتىك باعدارلامالاردى ەنگىزۋگە مۇمكىندىگى بار. سوندىقتان دا ءار مەملەكەت ءوز تۇرعىندارى ءۇشىن قارجى جەڭىلدىكتەرىن قاراستىرۋى قاجەت, دەپ اتاپ وتكەن ددسۇ باسشىسى دۇنيەجۇزىلىك بانك پەن حالىقارالىق ۆاليۋتا قورىن وسىنداي بەلسەندىلىككە شاقىردى.
