شاعىن جانە ورتا بيزنەسكە ارنالعان كرەديتتەۋ باعدارلاماسى باستالدى

جالپى العاندا, بۇل باعدارلامانى ىسكە اسىرۋ ءۇشىن ۇلتتىق بانك 600 ميلليارد تەڭگە ءبولدى.

ۇلتتىق بانك  قارجى نارىعىن رەتتەۋ جانە دامىتۋ اگەنتتىگىمەن بىرلەسىپ ازىرلەگەن باعدارلاماعا سايكەس شاعىن جانە ورتا بيزنەس وكىلدەرى, سونداي-اق دارا كاسىپكەرلەر اينالىم كاپيتالىن تولىقتىرۋ ءۇشىن جىلدىق 8%-دان اسپايتىن مولشەرلەمە بويىنشا 12 اي مەرزىمىنە كرەديت الۋعا بانكتەرگە ءوتىنىش جاساي الادى.

بيزنەس قارىز قاراجاتىن تاۋارلاردى جانە وزگە دە ماتەريالدىق قۇندىلىقتاردى, جۇمىستاردى, قىزمەتتەردى ساتىپ الۋعا; قورلاردى, شىعىس ماتەريالدارى مەن شيكىزاتتى تولىقتىرۋعا; اسسورتيمەنتتى كەڭەيتۋگە; شارتتىق مىندەتتەمەلەردى ورىنداۋعا; اعىمداعى شىعىستاردى, ونىڭ ىشىندە اكىمشىلىك شىعىستارىن جۇزەگە اسىرۋعا, مىسالى, قىزمەتكەرلەرگە جالاقى تولەۋگە, سالىقتار تولەۋگە جانە ت.ب. جۇمساي الادى.

كاسىپكەرلەر كرەديتتىك جەلىلەر شەڭبەرىندە جاڭا قارىزدار نە جاڭا قارجىلاندىرۋ الا الادى.

جەكە كاسىپكەر ءۇشىن بەلگىلەنگەن ليميت 50 ملن تەڭگە, ال شاعىن جانە ورتا بيزنەس كاسىپورىندارى ءۇشىن 3 ملرد تەڭگەنى قۇرايدى.

بۇل رەتتە, جەڭىلدەتىلگەن كرەديتتەۋ باعدارلاماسى ەشقانداي سالالىق شەكتەۋلەردى كوزدەمەيدى.

قارىز تالاپتارىن بۇزعانى جانە (نەمەسە) وزگەرتكەنى ءۇشىن ءوندىرىپ الىناتىن كوميسسيالاردى قوسپاعاندا, باعدارلاما شەگىندە قارىزدى بەرگەنى جانە قىزمەت كورسەتكەنى ءۇشىن كوميسسيا الىنبايدى.

تومەندە كورسەتىلگەن جاعدايلار: توتەنشە جاعداي رەجيمى كەزەڭىندە جانە ول توقتاتىلعاننان كەيىنگى 2 اي ىشىندە وتكىزىلگەن تاۋارلاردىڭ جانە (نەمەسە) قىزمەتتەردىڭ كولەمىنىڭ ازايۋى, ساتىپ الۋشىلار تاراپىنان تولەمدەردىڭ كەشىكتىرىلۋى, قىزمەتكەرلەردىڭ شتات سانىنىڭ قىسقارۋى جەڭىلدەتىلگەن نەسيە الۋعا سەبەپ بولا الادى.

قارىز الۋ ءۇشىن قاجەتتى نەگىزگى قۇجاتتار تىزبەسى

-  كەپىلگەردىڭ (جەكە تۇلعا) جەكە باسىن كۋالاندىراتىن قۇجات;

- قۇرىلتاي قۇجاتتارىنىڭ توپتاماسى;

- مەملەكەتتىك تىركەۋ تۋرالى كۋالىك, نە تىركەۋ ەسەبىنە الىنعانىن راستايتىن وزگە قۇجات;

- قول قويۋدىڭ ۇلگىلەرى جانە ءمور بەدەرىنىڭ ۇلگىسى بار ء(مور – بولعان كەزدە) قۇجات;

- ۋاكىلەتتى ورگاننىڭ قارجىلاندىرۋدى تارتۋ تۋرالى شەشىمى;

- سوڭعى ەسەپتى جىلدىڭ قارجىلىق ەسەپتىلىگى;

- سالىقتار جانە بيۋدجەتكە تولەنەتىن باسقا دا مىندەتتى تولەمدەر بويىنشا بەرەشەكتىڭ بولۋىن نەمەسە بولماۋىن راستايتىن قۇجات;

- باسقا بانكتەردە نەسيەلىك بەرەشەكتىڭ بولماۋى/بولۋى تۋرالى مالىمەتتەر;

- كەپىل (كەپىلدىك قارىزدار) بويىنشا قۇجاتتاردىڭ توپتاماسى.

- شاعىن جانە ورتا كاسىپكەرلىك سۋبەكتىسىنىڭ قارجىلىق احۋالىنىڭ ناشارلاۋى تۋرالى اقپارات.

تولىق قۇجاتتار توپتاماسى مەن قۇجاتتاردى قابىلداۋ ارنالارىنىڭ جاڭارتىلعان ءتىزىمىن بانكتەردەن ناقتىلاۋ قاجەت.

1. Jysan Bank - سall center 7711;

2. الفا بانك - سall center 2510, WhatsApp تاۋلىك بويى +7 771 936 11 11;

3. ۆتب - +7(727)330-50-50, ۇيالى تەلەفونىنان  5050;

4. نۇربانك - سall center 2552;

5. سبەربانك - 8 8000 80 60 60  - قازاقستاننىڭ بارلىق وڭىرلەرى ءۇشىن (تەگىن جەلى); 5030 – قازاقستاننىڭ ءموبيلدى وپەراتورلارى ءۇشىن (تەگىن جەلى); سەرۆيس جانە ونىمدەر بويىنشا جۇگىنۋ - post@sberbank.kz;

6. Bank RBK  -  سall center 7888 (تەگىن);

7. Forte Bank - سall center 7575. بانكتىڭ تج رەجيمىندەگى جۇمىسى تۋرالى اقپارات جانە جاڭالىقتار ارنايى پاراقشادا جاڭارتىلىپ وتىرادى https://forte.kz/covid19;

8. حالىك بانك - سall center 9595;

9. اتفبانك - سall center 2424, ونلاين چات WhatsApp 9:00-دەن 21:00-گە دەيىن (+7 705 776 88 62);

10. تسەنتركرەديت بانكى - +7 (727) 244 30 44, 605 – ۇيالى تەلەفون ارقىلى تەگىن;

11. ەۋرازيالىق بانك - e-mail: contactcenter@eubank.kz; Skype: skype.eubank.kz; ءموبيلدى نومىرلەر: Beeline  +7 (771) 000 77 22; Tele2-Altel +7 (700) 000 77 22; ActivKcell +7 (702) 000 77 22;

12. التىن بانك +7 (727) 356 57 77, +7 771 330 57 77 WhatsApp ارقىلى.