قازاقستاندا شەتەل ۆاليۋتاسىنداعى دەپوزيتتەر1,5% -عا 7 776,7 ملرد تەڭگەگە دەيىن تومەندەدى. دوللارلاندىرۋ دەڭگەيى 2020 جىلدىڭ اقپان ايىنىڭ سوڭىندا 41,9% قۇرادى (2019 جىلعى جەلتوقساندا - 43,1%). بۇل تۋرالى ۇلتتىق بانكتىڭ ءباسپاسوز قىزمەتى حابارلادى.
«ءبىر ايدا ۇلتتىق ۆاليۋتاداعى دەپوزيتتەر كولەمى 0,1% ارتىپ, 10 802,1 ملرد تەڭگەگە جەتتى», دەلىنگەن اقپاراتتا.
زاڭدى تۇلعالاردىڭ ۇلتتىق ۆاليۋتاداعى دەپوزيتتەرى 2020 جىلعى اقپاندا 2,5% -عا, 5,556,8 ملرد تەڭگەگە دەيىن, شەتەل ۆاليۋتاسىنداعى 7,2% -عا, 3 824,6 ملرد تەڭگەگە دەيىن (زاڭدى تۇلعالاردىڭ دەپوزيتتەرىنەن 41,7%) ازايدى )
جەكە تۇلعالاردىڭ تەڭگەدەگى دەپوزيتتەرى 2,4% -عا, 5445,3 ملرد تەڭگەگە دەيىن, شەتەل ۆاليۋتاسىنداعى4,7% -عا, 3952,2 ملرد . تەڭگەگە دەيىن ءوستى. (جەكە تۇلعالاردىڭ دەپوزيتتەرىنەن 42,1%).
مەرزىمدى دەپوزيتتەردىڭ كولەمى ءبىر ايدا 0,7% تومەندەپ, 12 615,8 ملرد تەڭگەنى قۇرادى. ولاردىڭ قۇرىلىمىندا ۇلتتىق ۆاليۋتاداعى دەپوزيتتەر7329,5 ملرد. تەڭگەنى, شەتەل ۆاليۋتاسىنداعى 5 286,3 ملرد تەڭگەنى قۇرادى.
بانكتىك ەمەس زاڭدى تۇلعالاردىڭ ۇلتتىق ۆاليۋتاداعى مەرزىمدى دەپوزيتتەرى بويىنشا ورتاشا الىنعان سىياقى ستاۆكاسى 7,1% (2019 جىلعى اقپاندا - 7,2%), ال جەكە تۇلعالاردىڭ دەپوزيتتەرى بويىنشا - 8,9% (9,5%) قۇرادى.
