جالپى, كورنواۆيرۋس دەرتىنەن قايتىس بولعان ناۋقاستىڭ 204 اداممەن قانداي دا ءبىر بايلانىستا بولعانى انىقتالىپ وتىر. بۇلاردىڭ ىشىندەگى 54-ءى پروۆيزورلىق جانە كارانتيندىك ستاتسيونارلارعا, ال 150-ءى ءۇي جاعدايىنداعى كارانتينگە جاتقىزىلدى.
جوعارىدا ايتىلعان التى ادامنىڭ ۇشەۋى مارقۇمنىڭ تۋىستارى بولسا, تاعى ەكى ناۋقاس كارانتيندىك ستاتسيوناردا بولعان ەمدەلۋشىلەر اراسىنان شىقتى. ال 6-شى ناۋقاس ءۇي كارانتينىندە جاتقان تۇرعىن ەكەن. قازىرگى ۋاقىتتا بۇل ادامنىڭ كىمدەرمەن ارالاسقانىن انىقتاۋ جۇمىستارى جۇرگىزىلۋدە.
جالپى, بۇگىنگى كۇندە قاراعاندى وبلىسىندا بارلىعى 627 ادام تاۋلىك بويى باقىلاۋعا الىنعان. بۇل 1ا جانە 1ب ساناتىنداعى, ياعني ىندەت ءورشىپ تۇرعان ەلدەردەن ورالعان نەمەسە جۇقتىرعان ادامدارمەن شارتتى تۇردە بايلانىستا بولعان ازاماتتار. ءۇي كارانتينىندە جاتقانداردىڭ دا سانى ارتىپ كەلەدى: قازىر ولار 1087 ادام بولدى.
ال قاراعاندىدا كوروناۆيرۋس ينفەكتسياسىن جۇقتىرعان ناۋقاستاردىڭ سانى 21 ادامعا جەتتى. ونىڭ ىشىندە بىرەۋى كەشە ومىردەن ءوتتى.
