بۇعان دەيىن مۇنداعى ۇيلەردىڭ اۋماعىنان كوروناۆيرۋس ىندەتىن جۇقتىرعان 2 تۇرعىن انىقتالعان بولاتىن. كەشە «اسىل ارمانعا» ارنايى كەلگەن وبلىس اكىمىنىڭ ورىنباسارى باتىرجان بايجۇمانوۆ پەن وبلىستىڭ باس سانيتارلىق دارىگەرى قايرات بايمۇحامبەتوۆ تۇرعىندارمەن كەزدەسىپ, قاۋىپسىزدىك شاراسىنىڭ كۇشەيتىلەتىنىن تۇسىندىرگەن ەدى. قازىر اۋماق قورشاۋعا الىنىپ, تۇرعىن ءۇي كەشەنى تولىقتاي وقشاۋلانعان. ادامداردى قاجەتتى ازىق-ت ۇلىك, باسقا دا زاتتارمەن قامتۋ ەرەكشە تارتىپپەن جۇرگىزىلەدى. تۇرعىنداردىڭ دەنساۋلىعىن ارنايى اشىلعان سانيتارلىق بەكەت پەن دارىگەرلىك امبۋلاتوريا تەكسەرىپ, قاداعاالۋعا كىرىسكەن. سىرتپەن بايلانىستىڭ الدىن الۋ ءۇشىن «اسىل ارمانعا» پوليتسيا مەن اسكەري ءبولىم ساربازدارى كىردى.
ايتپاقشى, وسى تۇرعىن ءۇي كەشەنىنەن انىقتالعان ناۋقاستاردىڭ جاعدايى قالىپتى. 1995 جىلى تۋعان كەلىنشەكتىڭ اياعى اۋىر, ول قاسكەلەڭدەگى جۇقپالى اۋرۋلار اۋرۋحاناسىندا دارىگەرلەردىڭ باقىلاۋىندا. كەشە انىقتالعان 1959 جىلعى ايەل ىندەت جۇقتىرعان ناۋقاسپەن قارىم قاتىناستا بولعان.
جالپى, بۇگىنگى دەرەك بويىنشا الماتى وبلىسىندا كوروناۆيرۋس ينفەكتسياسىن جۇقتىرعان 9 ادام انىقتالعان.
