بيىلعى كوكتەمدە قوستاناي وبلىسىنداعى بيداي تۇقىمىنا مۇقتاج شارۋاشىلىقتار ءۇشىن «كەڭ دالا» باعدارلاماسى بويىنشا 17 ملرد تەڭگە قاراستىرىلىپ وتىر. بۇگىنگە دەيىن 121 شارۋاشىلىققا 10,6 ملرد تەڭگە ءبولىنىپ, جالپى سوماسى 3,9 ملرد تەڭگەگە 104 ءوتىنىم ماقۇلدانعان.
اۋىل شارۋاشىلىعىن قولداۋعا باعىتتالعان ءتيىمدى تەتىكتىڭ ءبىرى – «قاراپايىم زاتتار ەكونوميكاسى» باعدارلاماسى. قوستاناي وبلىسىندا بۇگىنگى تاڭدا بۇل باعدارلاما بويىنشا 12 ملرد تەڭگە سوماسىنا 39 جوبا ماقۇلدانعان. الداعى كۇندەرى قاراۋدا جاتقان 12 جوباعا تاعى 4,5 ملرد تەڭگە بەرىلمەك.
وبلىس اكىمدىگىندە وتكەن جيىندا ايماق باسشىسى ارحيمەد مۇحامبەتوۆ پرەزيدەنت تاپسىرعان قوسىمشا نەسيە قاراجاتىن ءبولۋدى جۇزەگە اسىرۋ تەتىگى «اگرارلىق نەسيە كورپوراتسياسىنىڭ» وبلىستاعى فيليالىمەن بىرلەسىپ پىسىقتالاتىنىن اتاپ ءوتتى.
- تاياۋ كۇندەرى اۋىل شارۋاشىلىعى قۇرىلىمدارىنا بەرىلەتىن نەسيە كولەمى كەڭەيتىلۋى ءتيىس. بۇل تۋرالى ءبىز بىردەن اۋىل شارۋاشىلىعى كاسىپورىندارى مەن شارۋا قوجالىقتارىنىڭ باسشىلارىن حاباردار ەتەمىز, – دەدى وبلىس اكىمى.
شاعىن جانە ورتا شارۋاشىلىقتاردى ءبىرىنشى كەزەكتە قولداۋ كەرەكتىگىن باسا ايتقان ايماق باسشىسى: - قالا جانە اۋدان اكىمدەرىنىڭ, اۋىل شارۋاشىلىعى جانە جەر قاتىناستارى باسقارماسىنىڭ نازارىن شاعىن جانە ورتا شارۋا قوجالىقتارىن قولداۋ قاجەتتىگىنە اۋدارامىن. ءبىزدىڭ وبلىستا مۇنداي 6 700 شارۋاشىلىق بار, – دەدى.
بيىل وبلىستاعى كوكتەمگى ەگىن جۇمىستارىن جۇرگىزۋگە 71 مىڭ توننا جانارماي بولىنگەن. ديقاندار ءۇشىن بەلگىلەنگەن باعا ليترىنە 177 تەڭگەدەن اسپايدى.
جيىن سوڭىندا ايماق باسشىسى مەملەكەتتىك قولداۋدىڭ وڭىردەگى ءار شارۋاشىلىققا جەتۋى اسا ماڭىزدى ەكەنىن ەسكەرتتى. مەملەكەتتىك قولداۋ شارالارىن جۇزەگە اسىرۋ بارىسى ارنايى تەكسەرۋ كوميسسياسى مەن پروكۋراتۋرانىڭ قىراعى قاداعالاۋىندا بولادى.
قوستاناي وبلىسى
