ءتارتىپ پەن تازالىق

دەگەنمەن دە ءبىز سان قيلى زاماندى باستان كەشىرگەن, قانداي قيىن كۇن بولسا دا ەلدىگىمىزدى جوعالتپاعان حالىقپىز. ەلىمىز بۇل كۇنگە بەرەكەلى بىرلىگىمەن, تياناقتى تىرلىگىمەن جەتتى. ەندى وسىناۋ قازىنامىزدى, وسىناۋ بەرەكەمىزدى ءبىر جۇتتا جوعالتىپ الماۋىمىز قاجەت. جاسىراتىنى جوق, جۇرت وسى كۇندەرى ىندەتتىڭ لاڭىن, دەن­ساۋ­لىعىن, اماندىعىن ءبىر ۋايىم­داسا, كۇندەلىكتى تىرشىلىگىن, كاسىبىن, شارۋاسىن ەكى ۋايىم­دادى. ارينە «ەڭ باستى بايلىق – دەنساۋلىق» دەسەك تە, وسىناۋ قىسىلتاياڭ ساتتە كاسىبىن امال­سىز توقتاتىپ, شارۋاسىن شاشىراتىپ الۋ ادامداردىڭ ەرتەڭگە دەگەن سەنىمىن دە ويرانداپ جىبەرەتىنى انىق. تو­تەنشە جاعدايعا بايلانىس­تى جۇمىسىنان ايىرىلۋ, نا­پاقا­سىنان قاعىلۋ, تابىسىن جو­عالتۋ, مۇنىڭ ءبارى جۇرتتىڭ ەڭسەسىن تىپتەن ەزە تۇسكەنى جاسىرىن ەمەس.

شىنىندا كوروناۆيرۋس – باتپانداپ كىرىپ, مىسقالداپ شىعاتىن قاۋىپتى دەرت. مىنە, وسىنداي الماعايىپ ساتتە مەم­لە­كەتتىڭ ابدىراپ قالماي, باتىل شەشىمدەر قابىلداپ, حالىق­تىڭ الەۋمەتتىك جاعدايىن كو­تەرۋگە بايلانىستى ناقتى قا­دامدار جاساۋى – ەلدىڭ رۋحىن كوتەردى, سەنىمىن وياتتى. «مۇق­تاج ادامدارعا قولۇشىن بەرە­مىز. بۇعان ەشقانداي كۇمان بول­ماۋى كەرەك. ەڭ باستىسى, شى­دامدىلىق, توزىمدىلىك جانە جاۋاپكەرشىلىك تانىتايىق. ءبىز – رۋحى اسقاق, بىرلىگى بەكەم, ەڭسەسى بيىك حالىقپىز. سوندىقتان بۇل سىناقتان دا سۇرىنبەي ءوتىپ, قيىندىقتى بىرگە ەڭسەرەمىز دەپ سەنەمىن. باستى تويلارىمىز ءالى الدا. ءتورت قۇبىلامىز تۇگەل بولسىن, اعايىن! ءبىز بىرگەمىز!» دەدى كۇنى كەشەگى ماڭىزدى مالىمدەمەسىندە پرەزيدەنت قاسىم-جومارت توقاەۆ.

ىندەتتى اۋىزدىقتاۋدا بي­لىك پەن بۇقارا ءبىر ءۇيدىڭ بالا­سىن­داي, ءبىر قولدىڭ سالاسىنداي ارەكەت ەتپەسە, بۇل ىستەن وڭ ناتيجە شىعارۋ قيىن. سون­دىقتان ءدال وسى كەزدە حالىق مەملەكەتكە قولداۋ كورسەتۋى قاجەت. ەندەشە, ءتارتىپ پەن تازا­لىق – باستى مىندەت. پرەزيدەنت ينفلياتسيانىڭ ارتۋىنا بايلانىستى زەينەتاقى, مەملەكەتتىك جاردەماقى جانە اتاۋلى الەۋ­مەتتىك كومەك مولشەرىن جىل­دىق ولشەممەن العاندا 10 پايىزعا يندەكستەۋدى تاپسىردى. تابىسىنان ايى­رىل­عان ازاماتتارعا ەڭ تومەنگى جا­­لاقى مولشەرىندە قولداۋ كور­سە­تى­لىپ, وسى كومەكتى الاتىن ازا­ماتتاردىڭ ساناتى كەڭەي­تىلدى. ەندى 42500 تەڭگە كولە­مىن­دەگى بۇل قاراجات بۇرىن تۇراق­تى جۇمىس ىستەپ, جالاقى العان­دارعا عانا ەمەس, سونداي-اق ءوزىن ءوزى جۇمىسپەن قامتىعان جا­نە رەسمي تىركەلمەي ەڭبەك ەتە­تىن ازاماتتارىمىزعا دا بەرى­لەدى. وسىنىڭ ناتيجەسىندە 3 ميل­ليونعا جۋىق ادامعا كومەك كور­سەتىلەتىن بولدى. سونداي-اق تۇرمىسقا قاجەتتى زاتتار مەن ازىق-ت ۇلىكتى تەگىن الاتىن ازاماتتاردىڭ دا ساناتى كە­ڭەيتىلدى. مىندەتتى الەۋ­مەت­تىك مەديتسينالىق ساقتان­دىرۋ جۇيەسى بويىنشا ساق­تان­دىرىلماعان ازاماتتاردىڭ مەديتسينالىق كومەك الۋ قۇ­قىعى 1 ساۋىردەن 1 شىلدەگە دەيىن ۇزارتىلدى. ياعني, وسى ساق­تاندىرۋ جۇيەسىندە بولۋ-بولماۋىنا قاراماستان وسى كەزەڭدە ازاماتتارىمىزعا تو­لىق مەديتسينالىق كومەك كور­سەتىلۋى ءتيىس. «الداعى ۋاقىتتا مۇن­داي كومەكتى زاتتاي ەمەس, ازا­مات­تاردىڭ وزدەرى تاڭداپ, ساتىپ الۋى ءۇشىن قارجىلاي بە­رۋگە كوش­كەن ءجون», دەدى پرە­زيدەنت.

جاسىراتىنى جوق, ەل ەكونوميكاسىندا شەشىلمەگەن ماسە­لەلەر ءəلى دە كوپ. «جاۋ جاعادان العاندا ءبورى ەتەكتەن» دەگەن, ەل اۋرۋمەن الەك بولىپ جاتقاندا دوللار باعامىنىڭ كوتەرىلىپ كەتۋى جۇرتتىڭ سەنىمىن تىپتەن ءارى-ءسارى ەتە تۇسكەنى انىق. ايتسە دە رۋحى اسقاق, بىرلىگى بەكەم, ەڭسەسى بيىك حالىق قانا وسىناۋ سىناقتان سۇرىنبەي وتەدى. ەندەشە, پرەزيدەنت ايتقانداي, باستى تويلارىمىز ءالى الدا. قيىندىقتى بىرگە ەڭسەرەيىك.