ايماقتار • 01 ءساۋىر، 2020

قوستاناي وبلىسىندا 330 مىڭنان استام ادام الەۋمەتتىك جاردەماقى الادى

47 رەتكورسەتىلدى

بۇل تۋرالى وبلىس اكىمى ارحيمەد مۇحامبەتوۆ قالا جانە اۋدان اكىمدەرىمەن وتكىزگەن سەلەكتورلىق كەڭەستە ايتتى. - ءبىز داعدارىسقا قارسى شارالاردىڭ ءبىرىنشى پاكەتىن ىسكە اسىرۋعا كىرىسىپ كەتتىك. ەندى پرەزيدەنت بەلگىلەگەن حالىقتى جانە بيزنەستى قولداۋدىڭ كەلەسى قادامدارىن جۇزەگە اسىرا باستاۋىمىز كەرەك. قوستاناي وبلىسىندا 330 مىڭنىڭ ۇستىندە جاردەماقى الۋشى بار. ونىڭ 136 مىڭنان استامى زەينەتكەر، 16 مىڭعا جۋىق ادام ااك الادى، – دەدى وبلىس اكىمى.

ايماق باسشىسى ءوزىن-ءوزى جۇمىسپەن قامتىپ وتىرعاندارعا ءبىر رەتتىك ەڭ تومەنگى جالاقى كولەمىندە الەۋمەتتىك تولەم بەرۋ ماسەلەسىن دە قوزعادى. ول ءۇشىن اتالعان ساناتتاعى ازاماتتاردىڭ مارتەبەسىن قالىپتاستىرۋ جۇمىسىن جۇرگىزۋ قاجەت. ايماقتا شامامەن مۇنداي ساناتقا ەنەتىن 18 مىڭداي ادام بار. توتەنشە جاعداي كەزىندە ولار مەملەكەتتەن اي سايىن الەۋمەتتىك تولەمدەر الا باستايدى.

ا. مۇحامبەتوۆ بەيرەسمي تابىستاردى جاسىرۋ فاكتىلەرىنە ەرەكشە نازار اۋداردى. بۇگىنگە دەيىن ءوزىن-ءوزى جۇمىسپەن قامتىپ كەلگەن  723 ادام الەۋمەتتىك كومەك سۇراپ ءوتىنىش بەرگەن. اكىم الەۋمەتتىك تولەمگە ۇمىتكەرلەردىڭ بەيرەسمي تابىستارىن جاسىرۋ فاكتىلەرىنە نازار اۋدارۋ كەرەكتىگىنە توقتالىپ، كەيبىر پايداكۇنەم ازاماتتاردىڭ كەسىرىنەن كومەككە شىن مۇقتاج ادامدار قامقورلىقتان قاعىلماۋى ءتيىس ەكەندىگىن ەسكەرتتى.  

سونىمەن قاتار، جيىن بارىسىندا ساقتاندىرىلماعان ازاماتتارعا 1 شىلدەگە دەيىن مەديتسينالىق كومەك تولىق تۇردە كورسەتىلەتىنى بەلگىلى بولدى. سونداي-اق، تەگىن ازىق-ت ۇلىك الاتىن ازاماتتاردىڭ ءتىزىمى كەڭەيتىلەدى.            بۇعان دەيىن تەگىن ازىق-ت ۇلىك جيىنتىعى ااك الاتىن بالالارعا عانا بەرىلىپ كەلگەن. ەندى 1، 2، 3-توپتاعى مۇمكىندىگى شەكتەۋلىلەرگە، بالالارعا جانە رەسمي تىركەلگەن جۇمىسسىزدارعا دا تەگىن ازىق-ت ۇلىك سەبەتتەرى بەرىلەتىن بولادى.

بۇگىنگى تاڭدا قوستاناي وبلىسىندا 28152 مۇمكىندىگى شەكتەۋلى ادام بار، ونىڭ  2974-ءى بالالار، 4246-سى جۇمىس ىستەمەيدى. ايماق باسشىسى بيزنەس وكىلدەرىن اسا جاۋاپتى الەۋمەتتىك جوبانى جۇزەگە اسىرۋعا  ات سالىسۋعا شاقىردى.

 

قوستاناي وبلىسى

سوڭعى جاڭالىقتار

ۇقساس جاڭالىقتار