ايماقتار • 01 ءساۋىر، 2020

الماتىدا كوروناۆيرۋستان جازىلعان ءبۇلدىرشىن اۋرۋحانادان شىقتى

24 رەتكورسەتىلدى

الماتىدا  كوروناۆيرۋس جۇقتىرعان ەكى جاسار ءسابيدىڭ دەرتىنەن قۇلان تازا ايىققانى تۋرالى بۇعان دەيىن ايتقان ەدىك. ءبۇلدىرشىن بۇگىن اۋرۋحانادان شىقتى. سونداي-اق كۇنى بۇگىن قالاداعى ينفەكتسيالىق ستاتسيونارلاردان COVID-19 راستالعان تاعى دا ەكى پاتسيەنت ساۋىعىپ، اۋرۋحانادان شىعارىلدى.

«بۇل قالالىق كلينيكالىق جۇقپالى اۋرۋلار اۋرۋحاناسىندا ەمدەلىپ جاتقان ءبىر بالا مەن ەكى ەرەسەك پاتسيەنت. اۋرۋحانادان ەمدەلىپ شىعارىلعان پاتسيەنتتەر 14 كۇندىك ءۇي كارانتينىندە بولادى»، – دەپ اتاپ ءوتتى الماتى قالاسى قوعامدىق دەنساۋلىق باسقارماسىنىڭ باسشىسى تلەۋحان ابيلداەۆ.

مامانداردىڭ سوزىنشە، ەكى پاتسيەنت 13 ناۋرىزدا بەرلين – مينسك – الماتى چارتەرلىك رەيسىمەن ۇشىپ كەلگەن. ەكيپاجدى قوسا العاندا، 12 ادامنىڭ بارلىق بورتى وقشاۋلاۋعا، كارانتينگە، ينفەكتسيالىق ستاتسيونارعا ورنالاستىرىلدى، زەرتحانالىق زەرتتەۋگە تالداۋ الىندى. جەتى ادامنىڭ دياگنوزى راستالدى. ءۇشىنشى پاتسيەنت – بۇرىن انىقتالعان ناۋقاسپەن بايلانىستا بولعان.

جالپى الماتىدا كوروناۆيرۋستىق ينفەكتسيادان ساۋىققان 10 پاتسيەنت اۋرۋحانادان شىقتى.

سوڭعى جاڭالىقتار

ۇقساس جاڭالىقتار