كوروناۆيرۋس • 01 ءساۋىر، 2020

قازاقستان كوروناۆيرۋسپەن كۇرەسۋگە 23 ملرد تەڭگە جۇمسادى

32 رەتكورسەتىلدى

اقپارات جانە قوعامدىق دامۋ ءمينيسترى داۋرەن اباەۆ كوروناۆيرۋسپەن كۇرەسكە قانشا قارجى جۇمسالعانىن حابارلادى.   

ءمينيستردىڭ سوزىنە سۇيەنسەك، جىل باسىنان بەرى كوروناۆيرۋسقا قارسى كۇرەس ءۇشىن مەملەكەتتىك رەزەرۆتەن اقشا ءۇش رەت بولىنگەن.

- 29 قاڭتارداعى ءبىرىنشى ترانشپەن 1،6 ملرد تەڭگە ءبولىندى. 21 اقپاندا كوروناۆيرۋسپەن كۇرەسۋگە قوسىمشا 428،2 ملن تەڭگە ءبولىندى. ۇكىمەتتىڭ رەزەرۆىنەن قاراجات ءۇشىنشى رەت 25 ناۋرىزدا ءبولىندى. سوماسى 21،4 ملرد تەڭگەنى قۇرايدى، - دەدى ول.

مينيستر بۇل قاراجاتتىڭ ء دارى-دارمەكتەردى، مەديتسينالىق ماقساتتاعى بۇيىمدار مەن زەرتحانالىق قۇرال-جابدىقتاردى، ماسكالار، قولعاپتار، قورعانىش كوستيۋمدەر مەن سىناق جۇيەلەرىن ساتىپ الۋعا جۇمسالعانىن ايتتى.

ەسكە سالساق، 15 ناۋرىزدا پاندەمياعا بايلانىستى قازاقستاندا توتەنشە جاعداي ەنگىزىلدى. 19 ناۋرىزدان باستاپ الماتى مەن نۇر-سۇلتانعا كارانتين ەنگىزىلدى. قالالارعا كىرۋگە جانە شىعۋعا شەكتەۋلەر قويىلدى، سانيتارلىق جاعداي نىعايتىلدى.

سونىمەن قاتار، الماتىدا  ايىرباستاۋ پۋنكتتەرىنىڭ جۇمىسى ۋاقىتىن شەكتەدى.

كەيىن پرەزيدەنت جانىنداعى توتەنشە جاعدايدى قامتاماسىز ەتۋ جونىندەگى مەملەكەتتىك كوميسسيا نۇر-سۇلتان جانە الماتى قالالارىندا كارانتين رەجيمىن كۇشەيتۋ تۋرالى شەشىم قابىلدادى. ال 30 ناۋرىزدان باستاپ نۇر-سۇلتان مەن الماتىدا كاسىپورىن مەن ۇيىمداردىڭ قىزمەتى توقتاتىلدى.

سوڭعى جاڭالىقتار

ۇقساس جاڭالىقتار