مەديتسينا • 01 ءساۋىر، 2020

قايىرىمدىلىق قور بالالار اۋرۋحاناسىنا جاساندى وكپە ۆەنتيلياتسياسى اپپاراتىن سىيعا تارتتى

10 رەتكورسەتىلدى

«ايالا» قايىرىمدىلىق قورى ء«ومىر سىيلايىق» جوباسىنىڭ اياسىندا «شەۆرون» كومپانياسىنىڭ قارجىلىق قولداۋىمەن الماتى قالاسى بالالار كلينيكالىق جۇقپالى اۋرۋلار اۋرۋحاناسىنا (بقكجاا) جالپى سوماسى 71،8 ملن تەڭگەنى قۇرايتىن Humming Vue (جاپوندىق) ەكى جاڭا جاساندى وكپە ۆەنتيلياتسياسى اپپاراتىن COVID-19 اۋرۋىمەن كۇرەسۋ ماقساتىندا سىيعا تارتتى.

«شەۆرون» كومپانياسىنىڭ جۇرتشىلىقپەن بايلانىس جونىندەگى ۇيلەستىرۋشىسى جانار قوشپانوۆانىڭ ايتۋىنشا، وسى جابدىق بالالار جۇقپالى اۋرۋلار اۋرۋحاناسىنىڭ دارىگەرلەرىنە تەزىرەك جانە تيىمدىرەك كومەك كورسەتۋگە مۇمكىندىك بەرەدى، ويتكەنى جانساقتاۋ بولىمىندە ءبىر مينۋتتى دا جوعالتۋعا بولمايدى.

«بۇگىنگى تاڭدا ءىرى بيزنەس پەن قازاقستاننىڭ ۇكىمەتى جاڭا كوروناۆيرۋستىڭ تارالۋىن توقتاتۋ جانە اۋىرعاندارعا جازىلۋعا كومەكتەسۋگە بار كۇشىن سالۋدا. ورناتىلعان يۆل اپپاراتتارىمەن قوسا دارىگەرلەر ونى پايدالانۋدى ۇيرەنىپ، كەپىلدى تەحنيكالىق قولداۋعا يە بولادى. ءبىز جاڭا يۆل اپپاراتتارى تەك پاندەميا كەزىندە عانا ەمەس، داعدىلى جاعدايدا دا بالالاردىڭ ءومىرىن ساقتاۋعا كومەكتەسەدى دەپ سەنەمىز. «شەۆرون» كومپانياسىنىڭ اتىنان مەن بارلىق قازاقستاندىقتارعا زور دەنساۋلىق جانە وسى كۇردەلى كەزەڭنەن امان-ەسەن وتۋگە كۇش-قۋات تىلەيمىن»، – دەدى جانار قوشپانوۆا.

Humming Vue يۆل اپپاراتتارى سوڭعى بۋىنعا جاتادى جانە قىسىمدى 13 ميكرون دەڭگەيىندە باقىلاۋعا كومەكتەسەدى، بۇل بالالاردى بارو-جاراقاتتاۋ قاۋپىن ازايتىپ، رەسپيراتورلىق تەراپيانىڭ كلينيكالىق تيىمدىلىگىن ارتتىرادى. ولاردى ستەريلدەۋ وتە وڭاي جانە كەيىن قايتا مولشەرلەۋدى تالاپ ەتپەيدى، بۇل ونى كەلەسى پايدالانۋعا دايىنداۋ ۋاقىتىن ايتارلىقتاي قىسقارتادى. بۇل اپپاراتتار رەجيمدەردى اۋىستىرىپ قوسۋ كەزىندە ءارتۇرلى تىنىس بەرۋ كونتۋرلارىن اجىراتپاي نەمەسە اۋىستىرماي پاتسيەنتتەردىڭ وكپەسىن جەلدەتۋگە مۇمكىندىك بەرەدى، بارلىعىن ءبىر كونتۋردا ىسكە اسىرىپ، اۋىر گيپوكسيا قاۋپىنىڭ ارتۋىنا جول بەرمەيدى.

 «ايالا» قايىرىمدىلىق قورى كوپ جىلدان بەرى بقكجاا-مەن ء«ومىر سيىلايىق» رەسپۋبليكالىق جوباسى اياسىندا بەلسەندى تۇردە ارەكەت ەتەدى. جابدىقتىڭ جانە اپپاراتۋرانىڭ، سونىڭ ىشىندە قور 2007 جىلى جانساقتاۋ بولىمىنە بەرگەن يۆل اپپاراتتارىنىڭ كومەگىمەن اۋرۋحاناداعى بالالار ءولىمى 4-ەسە ازايدى.  جالپى وسى جوبانى ىسكە اسىرعان 13 جىلدىڭ ىشىندە «ايالا» قورى قازاقستاننىڭ 30 اۋرۋحاناسى مەن پەرزەنتحاناسىنا جالپى 389 380 567 تەڭگە سوماسىندا جابدىق تاپسىردى. وسىنىڭ ارقاسىندا قازاقستانداعى ون مىڭداعان بالانىڭ ءومىرى قۇتقارىلعان.

سوڭعى جاڭالىقتار

ۇقساس جاڭالىقتار