مەديتسينا • 01 ءساۋىر، 2020

ءمامس بويىنشا جەڭىلدىك مەرزىمى ۇزارتىلدى

45 رەتكورسەتىلدى

الەۋمەتتىك مەديتسينالىق ساقتاندىرۋ قورىنا جارنا اۋدارماعان ازاماتتار دارىگەرلىك كومەكتى الۋدى جالعاستىرا بەرەدى. قازىرگى ەلدەگى جاعداي ەسكەرىلە وتىرىپ، ولاردىڭ مەدينالىق كومەك الۋ قۇقى  2020 جىلدىڭ 1 شىلدەسىنە دەيىن ۇزارتىلدى.

– الەۋمەتتىك مەديتسينالىق ساقتاندىرۋ قورى 2020 جىلدىڭ 1 ساۋىرىنەن باستاپ ءمامس-كە تولىق كوشۋ ءۇشىن قاجەتتى دايىندىق جۇمىستارىن جۇرگىزگەنى بەلگىلى. قازىرگى احۋالعا بايلانىستى مەملەكەت باسشىسىنىڭ تاپسىرماسىمەن ساقتاندىرىلماعان ازاماتتار دا مەديتسينالىق ساقتاندىرۋ شەڭبەرىندە كومەك الا بەرەتىن بولدى. بۇل جەڭىلدىك 2020 جىلدىڭ 1 شىلدەسىنە دەيىن ۇزارتىلدى، - دەيدى الەۋمەتتىك مەديتسينالىق ساقتاندىرۋ قورىنىڭ باسقارما توراعاسى ايباتىر جۇماعۇلوۆ.

وسى مەرزىمگە دەيىن ەلدىڭ بارلىق ازاماتى ءمامس-كە قاتىسۋشى ستاتۋسىنا قاراماي، شارتتى ساقتاندىرىلعان بولىپ ەسەپتەلەدى جانە مەديتسينالىق كومەكتى الا الادى.

قازىر ەلىمىزدە شامامەن 16،4 ميلليون ادام ساقتاندىرىلعان. ونىڭ ىشىندە 11 ميلليونعا جۋىعى – الەۋمەتتىك جاعىنان ءالسىز توپتاردىڭ وكىلى. ولار ءۇشىن جارنانى مەملەكەت تولەيدى. وسىلايشا، ەل حالقىنىڭ جارتىسىنان كوبى مەملەكەت تاراپىنان اۆتوماتتى تۇردە ساقتاندىرىلعان.

الەۋمەتتىك مەديتسينالىق ساقتاندىرۋ قورى –  ساقتاندىرۋ جۇيەسىنىڭ قارجىلىق وپەراتورى. ەلدەگى مەديتسينالىق ۇيىمدار وزدەرىنىڭ قىزمەتتەرىنە ساي وسى قوردان اقى الادى. بيىلعا دەيىن قور 1250-دەن استام مەديتسينالىق ۇيىممەن شارت جاساسقان، ولاردىڭ 650-دەن استامى – مەملەكەتتىك بولسا، 600-دەن استامى جەكەمەنشىك مەديتسينالىق ۇيىم. ال جاسالعان كەلىسىم-شارتتاردىڭ سوماسى 1،3 ترلن تەڭگەنى قۇرايدى.

قىمبات توقتامۇرات

سوڭعى جاڭالىقتار

ۇقساس جاڭالىقتار