ەكولوگيا • 01 ءساۋىر، 2020

نەمىس عالىمدارى پلاستيكتى ىدىراتاتىن باكتەريالار شتاممىن تاپتى

59 رەتكورسەتىلدى

عالىمدار قورشاعان ورتاعا زياندى پلاستيكتەردى جويۋعا ىقپال ەتەتىن باكتەريالاردىڭ شتاممىن تاپتى. Science Alert مالىمەتتەرىنە سۇيەنسەك، زەرتتەۋ بارىسىندا نەمىس عالىمدارى تاپقان پوليۋرەتاندى پلاستماسسادان تولىعىمەن ىدىراۋعا ىقپال ەتەتىن باكتەريالاردىڭ شتاممى ەكولوگيالىق زالالداردىڭ الدىن الۋعا باعىتتالعان قادامداردىڭ ءبىرى.

ەكولوگيالىق زەرتتەۋلەر ورتالىعى زەرتتەۋ توبىنىڭ مۇشەسى گەرمان حايپيپەردىڭ مالىمەتىنشە، پلاستماسسا ىدىراعاندا باكتەريالاردىڭ كوپشىلىگىن ولتىرەتىن ۋلى جانە كانتسەروگەندى زاتتار شىعارادى. ال جاقىندا تابىلعان شتامم بۇل اسەرگە ءتوزىمدى كەلەدى. عالىمدار بۇل جاڭالىقتىڭ الەمدە پوليۋرەتاندى ونىمدەردى جويۋ جولىنداعى ماڭىزدى قادام بولاتىنىنا كۇماندانبايتىنىن ايتادى.

تابىلعان باكتەريالاردى ونەركاسىپتىك دەڭگەيدە پايدالانۋ ءۇشىن ءالى دە كوپ جۇمىس جاساۋ كەرەك. عالىمداردىڭ پىكىرىنشە، ادامزات قورشاعان ورتانى لاستاپ جاتقان پلاستيكتەردىڭ مولشەرىن ازايتۋى ءتيىس. نيۋ-يوركتىڭ قورشاعان ورتانى قورعاۋ دەپارتامەنتى پوليەتيلەن پاكەتتەرىن قولدانۋعا جانە ساتۋعا تىيىم سالعانى بەلگىلى. دەسەك تە عالىمدار جىل سايىن نيۋ-يورك تۇرعىندارى قورشاعان ورتاعا زالال كەلتىرەتىن 23 ميللياردتان استام پوليەتيلەن پاكەتتەرىن قولداناتىندىعىن ايتادى. 

الماتى

سوڭعى جاڭالىقتار

ۇقساس جاڭالىقتار