ءتارتىپ – قاتال, مۇلتىكسىز ورىندالۋى ءتيىس. جەرگىلىكتى پوليتسيا قىزمەتى باسقارماسى باستىعىنىڭ ورىنباسارى ۆيتالي تسويدىڭ ايتۋىنشا, تارتىپكە مويىنسۇنباعاندار زاڭ الدىندا جاۋاپ بەرەتىن بولادى. ۆ.تسوي تۇرعىنداردى تۇنگى 22.00-دەن كەيىن, اسا قاجەت بولماعان جاعدايدا, كوشەگە شىقپاي-اق قويۋعا شاقىردى. بۇگىنگە دەيىن وبلىستا توتەنشە جاعداي رەجىمىن بۇزعان 186 ازامات اكىمشىلىك جاۋاپكەرشىلىككە تارتىلعان. الايدا ءتارتىپ بۇزۋشىلار سانى كۇن ساناپ ازايا تۇسكەن.
تاۋارلار جانە كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ مالىمەتىنشە, قازىر وبلىستاعى ەپيدەميالىق اھۋال تۇراقتى. كورونوۆيرۋس ىندەتىن جۇقتىرعاندار تىركەلمەگەن. بۇعان دەيىن شەتەلدەن كەلگەن 1687 ادام ءۇي كارانتينىندە, 261 ادام پروۆيزورلىق گوسپيتالدا جاتىر.
قوستاناي وبلىسى
