«وتكەن جىلدىڭ جەلتوقسانىندا ماقۇلدانعان باسىم جوبالاردى نەسيەلەندىرۋ تەتىگى اياسىندا ۇلتتىق بانك قارجى ينستيتۋتتارى مەن اگرارلىق نەسيە كورپوراتسياسىنا بجزق زەينەتاقى اكتيۆتەرى مەن قازاقستاننىڭ تۇراقتى دامۋ قورىنىڭ قاراجاتتارىنان ۇزاق مەرزىمدى تەڭگە وتىمدىلىگىن ۇسىنادى. وتكەن جىلى جەتى ەميتەنتتىڭ 173,39 ملرد تەڭگەگە وبليگاتسيالارى ساتىپ الىندى», - دەپ اتاپ ءوتتى باس بانك.
سونداي-اق, ۇلتتىق بانك بۇل جوباعا مەنشىكتى كاپيتالى 60 ملرد. تەڭگەدەن اساتىن قارجى ينستيتۋتتارى قاتىسا الاتىنىن ايتتى.
ءبىر ەميتەنتكە سالىنعان ينۆەستيتسيالار ءليميتى 70 ملرد. تەڭگەدەن اسپايدى.
«بيىل ينۆەستيتسيالار جالعاسادى. ەگەر ىقتيمال جوبالاردىڭ الدىن-الا تىزبەسى بولسا جانە بۇرىن بولىنگەن قاراجاتتى تولىق پايدالانۋ اياقتالعان بولسا ,باعدارلاماعا قاتىسۋشىلاردىڭ وتىنىشتەرى كەلىپ تۇسەدى», - دەپ قورىتىندىلادى ۇلتتىق بانك.
بۇعان دەيىن ءبىز قازاقستاننىڭ ءبىرىنشى پرەزيدەنتى نۇرسۇلتان نازارباەۆ بانكتەرگە كەم دەگەندە 600 ميلليارد تەڭگە كولەمىندە ۇزاق مەرزىمدى تەڭگەلىك وتىمدىلىك بەرۋدى تاپسىرعانىن جازعانبىز.
وتكەن جىلدىڭ ناۋرىزىندا ۇلتتىق بانك ءۇش قارجى ينستيتۋتىنىڭ وبليگاتسيالارىن 113 ميلليارد تەڭگەگە ساتىپ الدى.
