كارانتين تالاپتارىن باستى نازاردا ۇستاپ وتىرعان «شين-لاين» كومپانيالار توبىنىڭ پرەزيدەنتى, جابىق پەريمەتر كومەندانتى اندرەي ءشيننىڭ ايتۋىنشا, اعىمداعى جىلدىڭ 17 ناۋرىزىنان باستاپ الماتىداعى بالمۇزداق فابريكاسى, شيكىزات جانە دايىن ونىمدەر قويماسى جابىق كارانتيندىك جۇيەگە كوشكەن.
كومپانيانىڭ قازىرگى كەزدەگى مىندەتى – ءوندىرىستى توقتاتپاۋ جانە جاڭا جاعدايعا جەدەل ارەكەت ەتۋ, تولىققاندى جابىق تەحنولوگيالىق تىزبەكپەن قامتاماسىزداندىرۋ جانە ءوز ونىمدەرىنىڭ 100% قاۋىپسىزدىگىنە كەپىلدىك بەرۋ جانە قىزمەتكەرلەر مەن تۇتىنۋشىلارعا قولداۋ كورسەتۋ.
««شين-لاين» بالمۇزداعى ادام باسقارۋىمەن جۇزەگە اساتىن تەحنولوگيالىق ۇردىستەرگە نەگىزدەلگەن. فابريكادا تج كەزىندە الەمدىك جانە قازاقستاندىق ساپا ستاندارتتارىنا ساي كەلەتىن بالمۇزداقتىڭ 30 اسا سۇرانىسقا يە ءتۇرى وندىرىلەدى. ءونىمنىڭ تۇرلەرى ازايعانىمەن, تۇتىنۋشىلار تاراپىنان ءجيى سۇرانىسقا يە بالمۇزداقتار ساتىلىمدا بار. جابىق پەريمەتردەگى جۇمىستىڭ العاشقى كەزەڭىندە ءونىم ءوندىرۋ تاۋلىگىنە 30 توننا بولسا, قازىرگى ۋاقىتتا 60-قا جەتتى. الداعى اپتادا تاۋلىگىنە 80 توننا بالمۇزداق شىعارۋ جوسپارلانىپ وتىر. وتكەن جىلدىڭ سايكەس كەزەڭىمەن سالىستىرعاندا, ساتىلىم 2020 جىلدىڭ ناۋرىز ايىندا 26%-دان استام توننالىق جانە 35%-دان استام اقشالاي سيپاتتا ءوستى. «ەسكيمو نەمەسە پلومبير – نان نەمەسە قاراقۇمىق سياقتى ءبىرىنشى قاجەتتىلىكتەگى ءونىم ەمەس, - دەيدى اندرەي شين. – بالمۇزداقتا 100-گە جۋىق اعزاعا پايدالى زاتتار بار. ءبىز ءتىپتى ۆيتاميندەرمەن قوسىمشا بايىتىلعان جاڭا ءتۇردى شىعارۋدى قاراستىرۋدامىز. سونىمەن قاتار, بالمۇزداق اعزادا باقىت گورمونى سەروتونيننىڭ دەڭگەيىن ارتتىرۋعا ىقپال ەتەدى, سوندىقتان كوڭىل-كۇيدى كوتەرەدى جانە سترەسستى جەڭۋگە كومەكتەسەدى».
«شين-لاين» شيكىزاتى مالايزيادان, وڭتۇستىك كورەيادان, رەسەيدەن, بەلارۋستەن جانە ەۋروپادان الىندى. بالمۇزداقتىڭ ساپاسى مەن دامدىك سيپاتتامالارىنا نۇقسان كەلتىرمەي, يمپورتتىق شيكىزاتتى قازاقستانداعى ينگرەديەنتتەرگە جوسپارلى تۇردە اۋىستىرۋ جۇرگىزىلۋدە.
قازىرگى كەزەڭدە وندىرىستە 400 قىزمەتكەر جۇمىس ىستەيدى. قىزمەتكەرلەر ءۇشىن جاتىن ورىندارى, گيگيەنالىق تالاپتارعا ساي جاتاقحانا, اسحانا, مەديتسينالىق بەكەت جۇمىس ىستەيدى. جۇمىس اۋىسىمىنان تىس بەلسەندى دەمالۋعا ارنالعان تەننيس ۇستەلدەرى مەن ۆولەيبول الاڭى ورناتىلعان.
فابريكا تاۋلىك بويى جۇمىس ىستەيدى. جۇمىس كەستەسىنە وراي سانيتارلىق كۇندەر دە قاراستىرىلعان. جابدىقتار مەن ءۇي-جايلاردى قاجەتتى زالالسىزداندىرۋ كۇن سايىن جۇرگىزىلەدى. ايماققا كىرەتىن كولىكتى دەزينفەكتسيالاۋ جانە جۇرگىزۋشىلەرمەن بايلانىسسىز جۇمىس ىستەۋ تەتىگى دە ويلاستىرىلعان: بارلىق اۆتوموبيلدەر دوڭعالاقتار مەن كورپۋستى دەزينفەكتسيالاۋدىڭ ارنايى ايماعىنان وتەدى, قۇجاتتار ارنايى سىرتقى كونتەينەرلەرگە سالىنادى.
الماتى
