كەشە, ياعني 31-ناۋرىز كۇنى 1-پاتسيەنتتىڭ كوروناۆيرۋس ىندەتىن جۇقتىرعانى تىركەلگەن بولاتىن. نۇر-سۇلتان قالاسىنان كەلگەن بۇل ناۋقاسپەن بايلانىستا بولعان ادامداردى تەكسەرۋ بارىسىندا, تاعى 3 وتباسى مۇشەسىنىڭ ساراپتاماسى وڭ ناتيجە بەردى. سونىمەن قاتار, الماتى قالاسىنان كەلگەن 1 ازاماتتا COVID-19 ساراپتاماسى وڭ قورىتىندى بەردى. تۇركىستان وبلىسى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى نۇربەك نىشانوۆ قازىرگى تاڭدا ناۋقاستار تولىق دارىگەرلەردىڭ باقىلاۋىنا الىنعانىن, جاعدايلارى قاناعاتتانارلىق دارەجەدە ەكەنىن حابارلادى. قارىم-قاتىناستا بولعان بارلىق ادامعا ستاتسيونارلىق وقشاۋلاۋ شارالارى جۇرگىزىلگەن. ءتيىستى حاتتاماعا سايكەس, ەمدىك شارالار جاسالىنۋدا.
سونداي-اق دەزينفەكتسيالىق قىزمەت ناۋقاس تۇرعان ءۇي-جايلاردى دەزينفەكتسيالاۋ جانە سانيتارلىق وڭدەۋ شارالارىن وتكىزگەن. 31-ناۋرىزدا كوروناۆيرۋس ينفەكتسياسىن جۇقتىرعان ناۋقاس جەتىساي اۋداندىق ورتالىق اۋرۋحاناسىندا ەم الۋدا. ناۋقاسپەن جاقىن قارىم-قاتىناستا بولعانداردى انىقتاۋ جۇمىسى جالعاسۋدا.
ايتا كەتەلىك, وبلىستا 31 ناۋرىزداعى جاعداي بويىنشا Covid -19 كوروناۆيرۋستىق ينفەكتسيادان قولايسىز ەلدەردەن كەلگەن 495 ادام مونيتورينگتىك باقىلاۋعا الىنعان. ونىڭ ىشىندە 1 «ا» ساناتىنداعى ەلدەردەن كەلگەنى - 9 ادام, 1 «ب» ساناتىنداعى ەلدەردەن كەلگەنى - 486 ادام.
ينفەكتسيا وشاعىندا ءتيىستى دەپارتامەنت, باسقارما ماماندارىمەن جانە وبلىستىق ينفەكتسيونيست دارىگەرمەن ەپيدەميولوگيالىق زەردەلەۋ جۇمىستارى جانە ىندەتكە قارسى شارالار كەشەنى جۇرگىزىلۋدە.
تۇركىستان وبلىسى
