«بەتبەردە مەن قولعاپ كيىپ, كوزىلدىرىك تاعىپ, سانيتايزەرلەردى قولدانىپ, قولدى ءجيى جۋمەن قاتار ادامدار كوپ جينالاتىن جەرلەردە باس كيىم كيىپ, ورمال تاعۋدى ۇسىنامىز. شاشتى جايىپ جۇرگەندە ۆيرۋستىڭ جۇعۋ قاۋپى جوعارى», دەيدى الماتى قالاسى بويىنشا اسا قاۋىپتى جۇقپالى اۋرۋلاردى قاداعالاۋ ەپيدەميولوگيالىق ءبولىمىنىڭ جەتەكشىسى سايات كاۋمەتباەۆ.
مامان بۇل جالپىعا بەلگىلى ەرەجە ەكەنىن ايتتى. بۇل نورمانى ساقتاۋ كوروناۆيرۋستىق ينفەكتسيانى جۇقتىرۋ قاۋپىن ودان ءارى ازايتۋعا مۇمكىندىك بەرەدى.
كوروناۆيرۋستان قورعاۋ ءۇشىن ساقتالۋى ءتيىس نەگىزگى شارالار:
- قولدى ءجيى جۋ جانە انتيسەپتيك پايدالانۋ;
- قولما-قول اقشانى پايدالانباۋ;
- ساعات سايىن تەلەفون ەكرانىن وڭدەۋ;
- ءاربىر 20 مينۋت سايىن ماسكانى وزگەرتۋ;
- يممۋنيتەتتى نىعايتۋ;
- ادەتتى وزگەرتۋ: كەزدەسۋ كەزىندە قول ۇستاماۋ;
- كارانتين ەرەجەلەرىن ساقتاۋ.
