اتالمىش كەڭەس سەلەكتورلىق رەجىمدە ءوتتى, كۇن تارتىبىنە بولمشەلەردىڭ جاۋىنگەرلىك əزىرلىگى, اسكەري قىزمەتشىلەردىڭ دەنساۋلىق قاۋىپسىزدىگىن قامتاماسىز ەتۋ, كوروناۆيرۋسقا قارسى كۇرەستە ازاماتتىق مەديتسينالىق مەكەمەلەرگە كومەك كورسەتۋگە اسكەري مەديتسينا قىزمەتكەرلەرىن تارتۋ ماسەلەلەرى ايتىلدى.
قازىرگى تاڭدا əسكەري قىزمەتشىلەردىڭ دەنساۋلىق جاعدايى تۇراقتى باقىلاۋدا, اسكەري بولىمشەلەردى ەپيدەمياعا قارسى قورعاۋدى قامتاماسىز ەتۋ ءۇشىن مەديتسينالىق جەكە قورعانۋ قۇرالدارىمەن, دەزينفەكتسيالىق ەرىتىندىلەرمەن ۋاقىتىندا قامتاماسىز ەتۋ ۇيىمداستىرىلعان. بۇل رەتتە جەكە قۇرام كوروناۆيرۋس بەلگىلەرىن, سونداي-اق ناۋقاس انىقتالعان جاعدايداعى ءىس-قيمىلداردى ناقتى ءبىلۋى ءتيىس. ول ءۇشىن بارلىق اسكەري قىزمەتشىلەرگە نۇسقاۋلىقتار تاراتىلدى, كەزەكشى اۋىسىم جەكە قۇرامىنىڭ ءىس-قيمىل الگوريتمى جانە حابارلاۋ ءتارتىبى ەگجەي-تەگجەيلى ءتۇسىندىرىلدى.
كەڭەس بارىسىندا قورعانىس ءمينيسترى نۇرلان ەرمەكباەۆتىڭ اسكەرلەردىڭ جاۋىنگەرلىك ازىرلىگىنىڭ قاجەتتى دەڭگەيىن ۇستاپ تۇرۋعا, توتەنشە جاعداي رەجيمى شەڭبەرىندە كەنەتتەن تۋىنداعان مىندەتتەردى ورىنداۋعا اسكەري قىزمەتشىلەردىڭ ۇدايى ازىرلىگىنە ەرەكشە نازار اۋدارىلدى. اسكەري قىزمەتشىلەردىڭ جاۋىنگەرلىك دايىندىعىنا نۇقسان كەلتىرمەستەن جۇقتىرۋ قاۋپىن ازايتۋ ءۇشىن تۇراقتى جاۋىنگەرلىك دايىندىق اسكەري بولىمدەرىندە جابىق رەجيمدە قىزمەت اتقارۋ ماسەلەسى شەشىلۋدە. اسكەري نىسانداردىڭ قاۋىپسىزدىگىن قامتاماسىز ەتۋ ماقساتىندا زىمىران-ارتيللەريالىق قارۋ-جاراق قويمالارىن كۇزەتۋدى كۇشەيتۋ تاپسىرىلدى.
ازاماتتىق مەديتسينالىق مەكەمەلەرگە كومەككە اسكەري مەديتسينا قىزمەتكەرلەرىن تارتۋعا قاتىستى قاراعاندى وبلىسىنىڭ دەنساۋلىق ساقتاۋ باسقارماسىنىڭ ءوتىنىشى بويىنشا قاراعاندى قالاسىنىڭ اسكەري لازارەتىنىڭ 17 مەديتسينالىق مامانىن ءبولۋ شەشىلدى. الماتى وبلىسى الاكول اۋدانى اكىمىنىڭ سۇراۋى بويىنشا ءۇشارال قالاسىنىڭ اسكەري لازارەتىن اۋداندىق دەنساۋلىق ساقتاۋ باسقارماسىنا كومەككە بەرۋ جوسپارلانۋدا. سونىمەن قاتار, دەنساۋلىق ساقتاۋ مينيسترلىگىمەن بىرلەسىپ قىسقا مەرزىمدى كەزەڭدە جالپى تəجىريبەدەگى جۇقپالى اۋرۋ مەن رەانيماتولوگ دارىگەرلەرىنە قايتا دايارلاۋ جۇزەگە اسىرىلاتىن بولادى.
بۇگىنگى تاڭدا قارۋلى كۇشتەردىڭ اسكەري قىزمەتشىلەرى توتەنشە جاعداي رەج3مىن قامتاماسىز ەتۋ بويىنشا ءىس-شارالارعا بەلسەندى قاتىسادى. ولار نىسانداردى دەزينفەكتسيالاۋعا, بلوك-بەكەتتەردى كۇشەيتۋگە جانە پاترۋلدەۋگە جۇمىلدىرىلعان. وسىعان بايلانىستى جاقىن ارادا قورعانىس مينيسترلىگى وسى ماقساتتار ءۇشىن الماتىدا قوسىمشا 1000-عا جۋىق اسكەري قىزمەتشى بولىنەتىن بولادى.
