قاشىقتان وقىتۋ ءۇشىن ءار مەكتەپكە جۇرگىزىلگەن مونيتورينگ وقۋشىنىڭ ۇيىندە ينتەرنەتتىڭ, كومپيۋتەر, نوۋتبۋك, پلانشەتتىڭ بار-جوعىن انىقتادى. سمارتفونى بار وقۋشىلار سانى ناقتىلاندى. مۇمكىندىگى جوق وقۋشىلاردىڭ ءتىزىمى جاسالىپ, كوپ بالالىلارعا, بىرنەشە بالاسى مەكتەپتە وقيتىن ۇيلەرگە كومپيۋتەر, پلانشەتتى مەكتەپ بەرە باستادى. بىراق, وقۋشى مەكتەپ مۇلكىنە اسا مۇقيات قاراۋ كەرەك.
مۇلدەم ينتەرنەتى جوق اۋىلدار نە ىستەيدى؟
شالعايداعى اۋىلدىق ەلدى مەكەندەردە ورنالاسقان مەكتەپتەر بارلىق ساقتىق شارالارىن ساقتاي وتىرىپ, وقۋدى كۇندىزگى نىساندا جالعاستىرىلاتىن بولادى جانە قاتاڭ سانيتارلىق-ەپيدەميولوگيالىق تالاپتارعا سايكەس وقيدى.
ءار اۋدان اكىمدىگى ەپيدەميولوگيالىق احۋالدى ەسكەرە وتىرىپ جەرگىلىكتى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ بولىمدەرىنىڭ كەلىسىمى بويىنشا وقىتۋعا شەشىم قابىلدايدى.
بۇل مەكتەپتەردە ساباقتىڭ ۇزاقتىعى – 30 مينۋتتان جۇرگىزىلەدى.
وقۋشىلارعا
قاشىقتان وقىتۋ باستالعان ساتتە وقۋشىلار بەكىتىلگەن كەستەگە قاراپ, تەلەۆيزياداعى بەينەساباقتاردى ۋاقىتىلى, مۇقيات تىڭداپ, تاپسىرمالاردى ورىنداۋ كەرەك. ينتەرنەت پلاتفورماداعى رەسۋرستارعا كىرىپ, تاپسىرمانى الۋدى ۇيرەنىپ, تۇسىنبەگەن سۇراقتاردى Whats App ارقىلى مۇعالىمگە تىكەلەي قويۋى كەرەك. ۆيدەوبايلانىسقا شىققان ۋاقىتتا دا ۇستازداردىڭ ايتقان مەرزىمىندە كىرىپ, ۋاقىتتى ۇنەمدەۋدى ۇيرەنۋ كەرەك. بۇل كەيىن پروبلەما تۋىنداماۋى ءۇشىن ايتىلىپ وتىر.
مۇعالىمدەرگە
وقۋشىلاردىڭ ۋاقىتىلى ساباقتى مەڭگەرۋى, تەلەۆيزياداعى ساباقتى كورە الۋى, ينتەرنەت-پلاتفورماعا ەمىن-ەركىن تىركەلە العانىن باقىلاۋى كەرەك. ءۇي تاپسىرماسىن ورىنداۋى, جاڭا ساباقتى مەڭگەرگەنىن «كۇندەلىك» جۇيەسىمەن, WhatsApp جەلىسىمەن كەرى بايلانىس ارقىلى رەتتەپ وتىرۋى ءتيىس. سول ءۇشىن دە ايلىق جالاقىسى تولىق ساقتالىپ وتىر. باعا قويۋ, اتا-انالاردىڭ حاباردار بولىپ وتىرۋىنا اسا ءمان بەرۋ سۇرالادى.
اتى-انالارعا
بالاسىنىڭ ۋاقىتىلى ساباقتى ورىنداۋى, تەلەۆيزياداعى ساباقتى كەستەگە سايكەس كورگەنىن جانە ينتەرنەتپەن جۇمىس ىستەۋىن باقىلاۋعا السا, مۇعالىممەن ۇنەمى بايلانىستا بولسا وقىتۋ الدەقايدا جەڭىل بولادى. بۇل اتا-انالاردى مىندەتتەۋ ەمەس, بالاسى ءۇشىن وسى جاۋاپتى ساتتە ۇستازدارعا كومەك بەرۋ دەپ تۇسىنگەن دۇرىس.
P.S قاشىقتان وقىتۋ باستالعان ساتتە ءتۇرلى سۇراقتار جانە ۋاقىتشا قيىندىقتار بولۋى مۇمكىن. سول ءۇشىن دە بايبالام سالىپ, كوپتى شۋلاتىپ ەمەس, ءتيىستى سىنىپ جەتەكشىسىنە نە مەكتەپ ديرەكتورىنا ماسەلەنى جەتكىزسە, وقىتۋ ويداعىداي بولادى. تىپتەن قيىنداسا ءبىلىم باسقارماسىنا, اۋدان, قالالىق ءبىلىم بولىمدەرى ارقىلى سۇراقتى قويىپ, بىرگە شەشۋگە ىقپال جاساساق مۇنداي سىناقتان سىر بەرمەي شىعامىز.
