جاقىندا پرەزيدەنت قاسىم-جومارت توقاەۆتىڭ جارلىعىمەن گۇلشارا ابدىقالىقوۆا قىزىلوردا وبلىسىنىڭ اكىمى بولىپ تاعايىندالىپ, پارلامەنتى ءماجىلىسىنىڭ الەۋمەتتىك-مادەني دامۋ كوميتەتىنىڭ توراعاسى ورنى بوسادى.
ءماجىلىس توراعاسى نۇرلان نىعماتۋلين قازاقستان رەسپۋبليكاسى پارلامەنتiنiڭ كوميتەتتەرi مەن كوميسسيالارى تۋرالى زاڭىنىڭ 8-بابىنا سايكەس بوساعان ورىنعا بەيبىت مامراەۆتى ۇسىندى. ونىڭ كانديداتۋراسىن دەپۋتاتتار ءبىراۋىزدان قولدادى.
– بەيبىت مامراەۆ وسىعان دەيىن كوپتەگەن جاۋاپتى قىزمەت اتقاردى. سوڭعى جىلدارى ءماجىلىس دەپۋتاتى, الەۋمەتتىك-مادەني دامۋ كوميتەتىنىڭ حاتشىسى بولىپ ماڭىزدى زاڭداردىڭ قابىلداۋعا ءوز ۇلەسىن قوسىپ كەلەدى. وسى سالادا ءبىلىمى مەن تاجىريبەسى مول. سوندىقتان اتالعان كوميتەتتى باسقارۋعا بەيبىت مامراەۆ لايىقتى دەپ ەسەپتەيمىن, – دەدى نۇرلان نىعماتۋلين.
