بۇل تۋرالى ءمالىم ەتكەن اتىراۋ قالاسى اكىمىنىڭ ورىنباسارى رينات جاڭعىلىشوۆتىڭ ايتۋىنشا, بەرەكە شاعىن اۋدانىندا 240 پاتەرلى كوپقاباتتى 10 ءۇيدىڭ قۇرىلىسى جۇرگىزىلىپ جاتىر. مۇندا 3 ءۇي پايدالانۋعا بەرىلدى. ەكى ءۇيدىڭ دە ءبىر قاباتىنا اپاتتى جاعدايداعى باسپانا تۇرعىندارى ورنالاسقان.
«تاعى 2 ءۇي دايىن تۇر. بىراق, ايماقتا كوروناۆيرۋس ينفەكتسياسىنىڭ تارالۋىنا بايلانىستى بۇل ۇيلەردى وقشاۋلاۋ ورنى رەتىندە پايدالانۋعا شەشىم قابىلداندى. بۇل ۇيلەردىڭ ارقايسىسىندا 240 پاتەر بار. ياعني, 2 ۇيدە 480 ورىن بار» دەدى اتىراۋ قالاسى اكىمىنىڭ ورىنباسارى رينات جاڭعىلىشوۆ.
قازىر ەكى ءۇيدى پوليتسيا قىزمەتكەرلەرى وقشاۋلادى. ەندى مۇندا دەزينفەكتسيا شاراسى جۇرگىزىلمەك. كەيىن مۇندا دەزينفەكتسيانى 3 كۇن سايىن جۇرگىزەدى.
«مۇندا ىندەت جۇقتىرعاندارمەن بايلانىس جاساعان ادامدار ۋاقىتشا ورنالاسادى. بۇل تۇرعىندارعا قاۋىپ تۋعىزبايدى» دەدى رينات جاڭعىلىشوۆ.
جۇماسات عازيز
