«كەشە عانا پرەزيدەنت قاسىم-جومارت توقاەۆ قالىپتاسقان جاعدايعا بايلانىستى ارنايى مالىمدەمە جاسادى. وندا مەملەكەت باسشىسى وسى كۇردەلى كەزەڭدە حالقىمىزدى جان-جاقتى قولداۋ وتە ماڭىزدى ەكەنىن اتاپ ءوتتى. وسىعان بايلانىستى قوسىمشا شارالار قولعا الىنادى. بۇل قازىرگى ۋاقىتتا وتە كەرەكتى شارالار», دەدى نۇرلان نىعماتۋلين.
ونىڭ ايتۋىنشا ەڭ الدىمەن شاعىن جانە ورتا بيزنەستى كۇشەيتۋگە ارنالعان شارالار قولعا الىنادى.
«ەڭ اۋەلى ەكونوميكامىزدىڭ تىرەگى شاعىن جانە ورتا بيزنەستى كۇشەيتۋگە ارنالىپ وتىر. سونداي-اق ازاماتتاردىڭ الەۋمەتتىك جاعدايىن دا ودان ءارى تۇراقتى ۇستاۋعا باعىتتالعان. سول ءۇشىن رەسپۋبليكالىق بيۋدجەتتەن ءتيىستى قاراجات بولىنەدى. بۇل قازاقستاندىقتاردى ۋاقىتشا قيىندىقتان امان الىپ شىعۋ ءۇشىن تاعى ءبىر ناقتى قادام», دەدى ول.
