ايماقتار • 31 ناۋرىز، 2020

تۇركىستان: كوروناۆيرۋس جۇقتىرعان ازاماتتىڭ 16 اداممەن قارىم-قاتىناستا بولعانى انىقتالدى

892 رەتكورسەتىلدى

كوروناۆيرۋس جۇقتىرعان ازامات تۇركىستان وبلىسى جەتىساي اۋدانىنىڭ تۇرعىنى بولىپ شىقتى. بۇل تۋرالى وبلىس اكىمىنىڭ ورىنباسارى ساكەن قالقامانوۆ الەۋمەتتىك جەلى ارقىلى حابارلادى.

«مالىمەتكە ساي، ول ازامات 27 ناۋرىزدان بەرى قىزۋى كوتەرىلىپ اۋىرعان. اۋرۋحاناعا 30 ناۋرىز كۇنى قارالعان. ناۋقاس 21 ناۋرىز كۇنى نۇر-سۇلتان قالاسىنان پاۆلودار-قىزىلوردا باعىتىنداعى پوەزبەن قاراعاندى قالاسىنا توقتاعان. 6 ساعات ۆوكزالدا وتىرعان ول، ارى قاراي پەتروپاۆل-قىزىلوردا باعىتىنداعى پوەزعا 22 ناۋرىز كۇنى ساعات 6.00-دە وتىرىپ، 23 ناۋرىز كۇنى شىمكەنت قالاسىنان تۇسكەن. ارى قاراي جەكە كولىكپەن جەتىساي قالاسىنا جولعا شىققان. ازىرگە انىقتالعانى ناۋقاسپەن 16 ادام قارىم-قاتىناستا بولعان. 5 ادام نۇر-سۇلتان قالاسىندا بايلانىستا بولسا، 11 ادام جەتىساي قالاسىنىڭ تۇرعىندارى»، دەلىنگەن وبلىس اكىمى ورىنباسارىنىڭ facebook پاراقشاسىنداعى جازباسىندا.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار