كوروناۆيرۋس • 31 ناۋرىز، 2020

تۇركىستان وبلىسىنىڭ تۇرعىنى كوروناۆيرۋس ينفەكتسياسىن جۇقتىردى

679 رەتكورسەتىلدى

كۇنى بۇگىنگە دەيىن بارلىق ساقتىق شارالارى قاتاڭ ساقتالىپ، ىندەتتەن امان كەلگەن تۇركىستان وبلىسىنىڭ تۇرعىنى كوروناۆيرۋس ينفەكتسياسىن جۇقتىرعانى جاريا ەتىلدى. بۇل جايتكە قاتىستى ناقتى مالىمەتتەر ەرتەڭ ارنايى وتكىزىلەتىن بريفينگتە ءمالىم ەتىلمەك.

بۇعان دەيىن تۇركىستان وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى نۇربەك نىشانوۆ كوروناۆيرۋستىق ينفەكتسيا تىركەلگەن باسقا ەلدەردەن كەلگەن 51 ازامات كاتەگوريالار بويىنشا مەديتسينالىق باقىلاۋعا الىنعانىن ءمالىم ەتكەن بولاتىن.

ونىڭ ىشىندە 1ا كاتەگورياسىمەن 18 ادام، (فرانتسيادان -1، يتاليا -2، يسپانيا -1، ينديا-10، ءباا-1، گەرمانيادان-3)،1ب كاتەگورياسىمەن 33 ادام باقىلاۋعا الىنعان. (و. كورەيا-24، نيدەرلاندى -2، ليتۆا -1، اقش-1، انگليا-1، ۋكراينا-1، پولشا -1، چەحيا -1). سونداي-اق وزەكتى رەيستەر بويىنشا ناۋقاستارمەن قارىم-قاتىناستا بولعان 8 ازامات انىقتالىپ، COVID-19-عا تەكسەرىلگەنى، زەرتتەۋ ناتيجەلەرى تەرىس بولىپ شىققانى ايتىلعان-دى. الماتى مەن نۇر-سۇلتان قالالارىنان «جرۆي» كلينيكالىق بەلگىلەرىمەن كەلگەن 16 ازامات ستاتسيونارلارعا جاتقىزىلىپ، لابوراتوريالىق تەكسەرۋدەن وتكىزىلگەن. ستاتسيونارلاردان شىعارىلعان ازاماتتار سانى 38-گە جەتكەن بولاتىن.

سوڭعى جاڭالىقتار

ۇقساس جاڭالىقتار