كوروناۆيرۋس • 31 ناۋرىز، 2020

كوروناۆيرۋسپەن كۇرەسىپ جاتقان ەلوردا دارىگەرلەرىنە سىياقى بەرىلدى

39 رەتكورسەتىلدى

ەلوردادا ءبىر جارىم مىڭعا جۋىق مەديتسينا قىزمەتكەرى كوروناۆيرۋسپەن كۇرەسىپ جاتىر. مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس مەديتسينا قىزمەتكەرلەرىنە سىياقى بەرىلدى.

قالالىق اكىمدىكتىڭ حابارلاۋىنشا، ەلباسىنىڭ تاپسىرماسىنا سايكەس  ء"بىز بىرگەمىز" قورىنان كوروناۆيرۋسپەن اۋىرعان پاتسيەنتتەرمەن تىكەلەي بايلانىستا جۇمىس ىستەپ جاتقان مەديتسينا قىزمەتكەرلەرىنە قوسىمشا قاراجات بولىنگەن. سونداي-اق اكىمدىك كوروناۆيرۋسپەن كۇرەسىپ جاتقان  مەديتسينا قىزمەتكەرلەرىنە قوناق ۇيلەر مەن كولىك ءبولىپ، تاماق ۇيىمداستىردى. ەمحانالار مەن اۋرۋحانالاردا جۇمىس ىستەيتىن دارىگەرلەرگە CTS كومپانياسى كولىك شىعاردى.

تولەمدەر كوروناۆيرۋستى جۇقتىرۋ قاۋپى بار ءۇش توپ بويىنشا ءۇش اي بويى بەرىلەدى. اتاپ ايتقاندا، «قاۋىپتىلىگى اسا جوعارى» — رەانيماتسيا بولىمشەلەرىن قوسا العاندا، ينفەكتسيالىق ستاتسيونارلاردىڭ دارىگەرلەرى، ورتا جانە كىشى مەديتسينا قىزمەتكەرلەرىنە  850 مىڭ تەڭگە، «قاۋىپتىلىگى جوعارى» – پروۆيزورلىق ستاتسيونارلار مەن جەدەل جاردەم دارىگەرلەرى، ورتا جانە كىشى مەديتسينا قىزمەتكەرلەرىنە  425 مىڭ تەڭگە بەرىلسە، «قاۋىپتىلىگى ورتاشا» – كارانتيندىك ستاتسيونارلارداعى دارىگەرلەر، ورتا جانە كىشى مەديتسينا قىزمەتكەرلەرى، سانيتارلىق دارىگەرلەرگە (مەملەكەتتىك قىزمەتكەرلەر)، جەدەل جاردەم جۇرگىزۋشىلەرىنە 212،5 مىڭ تەڭگە تولەنەتىن بولادى. 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار