قازاقستان • 31 ناۋرىز، 2020

ۇشقىشسىز ۇشاقتار توتەنشە جاعدايدا بارلاۋ جۇمىستارىن كۇشەيتەدى

12 رەتكورسەتىلدى

توتەنشە جاعدايدى باقىلاۋ جانە كۇشەيتۋدە ۇشقىشسىز ۇشۋ اپپاراتتارىن اسكەري قىزمەتشىلەر بلوك-بەكەتتەردە قولدانا باستادى.

قورعانىس مينيسترلىگىنىڭ مالىمەتتەرىنە سۇيەنەتىن بولساق، قارۋلى كۇشتەردىڭ ۇشقىشسىز ۇشۋ اپپاراتتارىنىڭ ەسەپتەرى اۋە بارلاۋىن جۇرگىزۋ، توتەنشە جاعداي رەجيمىنىڭ بۇزىلۋىن انىقتاۋ جانە وعان جول بەرمەۋ ماقساتىندا قولدانىلادى. ولار رەسپۋبليكا جۇرتشىلىعىنىڭ بلوك-بەكەتتەردى رۇقساتسىز كەسىپ ءوتۋىنىڭ جانە اۆتوكولىكتەردىڭ كارانتيندىك ايماققا جانە ودان تىس جەرلەرگە ءوتىپ كەتۋىن بولدىرماۋعا باعىتتالىپ وتىر.

توتەنشە جاعداي جانە كارانتين رەجيمىن قامتاماسىز ەتۋ جونىندەگى ءىس-شارالار شەڭبەرىندە نۇر-سۇلتان جانە الماتى قالالارىنا كىرەتىن جانە شىعاتىن جولداردا بلوك-بەكەتتەر ورناتىلىپ،  قارۋلى كۇشتەردىڭ اسكەري قىزمەتشىلەرى، پوليتسيا جانە ۇلتتىق ۇلان وكىلدەرىمەن بىرلەسىپ تاۋلىك بويى كەزەكشىلىك اتقارۋدا. 

ءىىم بولىمشەلەرى بلوك-بەكەتتەردەن تەحنيكالاردى تەكسەرىستەن كەيىن وتكىزەدى. ازاماتتاردىڭ ءومىرى مەن دەنساۋلىعىنا قاۋىپ توندىرەتىن جاعداي تۋىنداعان كەزدە كۇشەيتۋ جۇمىستارىنا اسكەري قىزمەتشىلەر، ونىڭ ىشىندە اسكەري پوليتسيا تاجىريبەلى قىزمەتكەرلەرى تارتىلعان.

بۇگىندە قالالارعا، ەلدى مەكەندەرگە كىرۋگە جانە شىعۋعا تىيىم سالىنعانىنا قاراماستان، بلوك-بەكەتتەردى زاڭسىز كەسىپ وتۋگە ارەكەتتەر ورىن الۋدا.  تىيىم سالىنعان اۋماقتى كەسىپ ءوتۋدىڭ تاسىلدەرى ءارتۇرلى سيپاتتا. ولاردىڭ ىشىندە بلوك-بەكەتتەردى اينالىپ ءوتىپ جاتقاندار دا بار. ۇشقىشسىز ۇشۋ اپپاراتى اسكەريلەر مەن پوليتسيا قىزمەتكەردەرىنە بارلىق باعىتتار بويىنشا كورۋ مۇمكىندىگىنە، زاڭ بۇزۋشىلىقتاردىڭ الدىن الۋعا، بلوك-بەكەتتەردى باقىلاۋعا مۇمكىندىك بەرەدى.

بۇگىندە  ماڭىزدى وقۋ-جاۋىنگەرلىك ماسەلەنى شەشۋدە ۇشقىشسىز ۇشۋ اپپاراتتارى قازاقستاننىڭ قارۋلى كۇشتەرىندە بەلسەندى تۇردە قولدانىلىپ كەلەدى. ولار اۋەدەگى بارلاۋ جۇمىستارىن كۇندىز-ءتۇنى جۇرگىزەدى. ۇشقىشسىز ۇشاتىن اپپاراتتار وقۋ-جاتتىعۋ كەزىندە عانا ەمەس، ولاردىڭ كومەگىمەن ارىستاعى اۋماقتى بارلاۋدى، ينجەنەرلىك بولىمشەلەردىڭ جۇمىسىن قاداعالاۋ جانە جارىلعىش زاتتار تابىلعان جاعدايدا جەدەل شتابقا بايانداۋدا تيىمدىلىگىن كورسەتتى.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار