100 مىڭنان استام وقۋشىسى بار قالعان 274 مەكتەپ قاشىقتان وقيتىن بولادى. ەگەر مەكتەپتە ينتەرنەت بولماعان جاعدايدا, قاشىقتان وقىتۋ وف-لاين فورماتىندا وتەدى, ياعني وقۋشىعا وقۋ ماتەريالى مەن تاپسىرما فلەش-تاسىعىش ارقىلى بەلگىلەنگەن مەرزىمگە بەرىلەدى.
ءبىلىم سالاسى قاشىقتان وقىتۋعا كوشۋگە قىزۋ دايىندىق ۇستىندە. بارلىق مەكتەپتەردە ءار مۇعالىم مەن وقۋشىنىڭ مۇمكىندىكتەرى انىقتالىپ جاتىر. ءبىلىم باسقارماسىنداعىلاردىڭ مالىمەتىنشە, قازىر 4 مىڭعا جۋىق وقۋشى كومپيۋتەرگە مۇقتاج, 4,5 مىڭعا جۋىق وقۋشىنىڭ ينتەرنەت جەلىسىنە قوسىلۋ مۇمكىندىگى جوق. بۇل ولقىلىقتىڭ ورنىن تولتىرۋ ماقساتىندا مۇمكىندىگى جوق مۇعالىمدەر مەن تۇرمىسى تومەن وقۋشىلارعا مەكتەپ مەنشىگىندەگى 5 مىڭنان استام كومپيۋتەر تاراتىلادى. كومپيۋتەر كەيىن قايتارىلۋى ءتيىس. سونىمەن قاتار, جەرگىلىكتى بيۋجەتتەن قوسىمشا 1759 كومپيۋتەرگە 300 ملن تەڭگە ءبولىندى. بۇل كومپيۋتەرلەر دە بالالارعا ۋاقىتشا قولدانۋعا بەرىلەدى.
قوستاناي وبلىسى
