وندا بالامەن اشىق سۇحباتتىڭ ماڭىزدى ەكەندىگى ايتىلادى. وسى ورايدا بالالارعا ەركىن سويلەۋگە مۇمكىندىك بەرۋ, سۋرەت سالۋ, تاريح جايىندا ايتىپ بەرۋ جانە باسقا دا ادىستەر ارقىلى اڭگىمەگە تارتۋدىڭ ماڭىزدى ەكەندىگى ايتىلادى. ەڭ باستىسى, بالالاردى الاڭداتقان ماسەلەگە بولماشى نارسە رەتىندە قاراماۋ. ولاردىڭ سەزىمدەرىن قابىلداپ, مۇنداي جاعدايدا قورقىنىشتىڭ پايدا بولۋى زاڭدى ەكەندىگىن ءتۇسىندىرۋ. ەرەسەك ادامنىڭ مۇقيات تىڭداپ وتىرعانىن ءبىلدىرۋ, كەز كەلگەن جاعدايدا اتا-انا اڭگىمەگە دايىن ەكەندىگىن ءبىلدىرۋى قاجەت.
بالاعا تۇسىنىكتى تىلمەن الەمدە بولىپ جاتقان پاندەميا جايىندا شىندىقتى ءتۇسىندىرۋ ماڭىزدى. بالالار الەمدە نە بولىپ جاتقانى تۋرالى شىنايى اقپاراتتى بىلۋگە قۇقىلى, دەگەنىمەن ەرەسەكتەر ولاردى زيان اقپاراتتان قورعاۋى مىندەتتى. بالالاردىڭ جاسىنا لايىق تىلدە سويلەسىپ, ولاردىڭ قابىلداۋىن قاداعالاپ, ولاردىڭ اركەتىنە كوڭىل ءبولۋ دە ماڭىزدى.
بالالاردىڭ سۇراقتارىنا جاۋاپ تابا الماعان كەزدە ويدان قۇراستىرماي, كاسىبي دەرەكتەرگە سۇيەنگەن ابزال. بالالارعا عالامتورداعى اقپاراتتاردىڭ بارلىعى بىردەي شىندىقپەن جاناسا بەرمەيتىندىگىن ءتۇسىنۋى قاجەت. بالالارعا ءوزىن جانە دوستارىن قالاي قورعاۋعا بولاتىنىن كورسەتۋ قاجەت. بالالاردى كوروناۆيرۋستان جانە باسقا اۋرۋلاردان قورعاۋدىڭ ەڭ جاقسى تاسىلدەرىنىڭ ءبىرى - قولدى ۇنەمى جۋىپ تۇرۋعا ىنتالاندىرۋ. قورقىتۋ ارقىلى ۇيرەتۋ نەگىزسىز. بالاعا ۇنايتىن جاعىمدى ءان ايتىپ نەمەسە بي بيلەپ قول جۋ ەرەجەلەرىن قىزىقتى ەتىپ ۇيرەتۋگە بولادى.
بالالارعا اتا-انالارىنىڭ وزدەرىن قيىن جاعدايدا قالدىرمايتىندىعىن ءبىلۋ ماڭىزدى. سوندىقتان دا بالالارعا كەز كەلگەن ۋاقىتتا سويلەسۋگە بولاتىندىعىن قايتالاپ ەسكەرتۋ ماڭىزدى. يۋنيسەف مامانى دجەيكوب حانت جيناعان مالىمەتتەرمەن اتالعان ۇيىم سايتىنان كەڭىنەن تانىسۋعا بولادى.
