ەۋرازيالىق ەكونوميكالىق كوميسسيانىڭ (ەەك) حابارلاۋىنشا, تاراپتار قابىلدانعان شارالار تۋرالى اقپارات الماسادى جانە دەنساۋلىق ساقتاۋ مەن سانيتارلىق-ەپيدەميولوگيالىق قامتاماسىز ەتۋ سالاسىندا ءوزارا بىرىگىپ, شەشىمدەر قابىلدايدى.
سونىمەن قاتار, ەاەو ەلدەرى ءوزارا كومەك, ونىڭ ىشىندە گۋمانيتارلىق, سونداي-اق ولاردىڭ اۋماعىندا تاۋارلار جەتىسپەگەن جاعدايدا وداق مەملەكەتتەرىنە ماقساتتى كوممەرتسيالىق جەتكىزىلىمدەردى ۇسىنۋ مۇمكىندىگىن قاراستىرىپ جاتىر.
ەەك سونىمەن بىرگە پاندەميا كەزىندە وداقتىڭ كەدەندىك اۋماعىنا باجسىز اكەلىنەتىن تاۋارلاردىڭ ءتىزىمىن تولىقتىرۋ بويىنشا جۇمىستى جالعاستىراتىندىعىن ايتتى.
«كوروناۆيرۋستىق ينفەكتسيانىڭ كەدەندىك-تاريفتىك, تاريفتىك ەمەس جانە كەدەندىك رەتتەۋ, كولىك, سانيتارلىق, ۆەتەريناريالىق-سانيتاريالىق, كارانتيندىك فيتوسانيتاريالىق باقىلاۋ, تەحنيكالىق رەتتەۋ جانە ەڭبەك كوشى-قونى سالالارىندا تارالۋىنىڭ الدىن-الۋ شارالارىنا قاتىستى شەشىمدەر توتەنشە نەگىزدە تالقىلانىپ, كۇشىنە ەنەدى» دەپ ءتۇسىندىردى ەەك.
