جالپى, رەسپۋبليكالىق «مەكتەپكە جول» اكتسياسىنىڭ اياسىندا وبلىستىق بالالار قۇقىقتارىن قورعاۋ باسقارماسىنىڭ ۇيىمداستىرۋىمەن اقتوبە قالاسىنداعى «تۇران» مەيرامحاناسىندا كوپبالالى جانە از قامتىلعان وتباسىلار بالالارىنا داستارقان جايىلدى.
جالپى, رەسپۋبليكالىق «مەكتەپكە جول» اكتسياسىنىڭ اياسىندا وبلىستىق بالالار قۇقىقتارىن قورعاۋ باسقارماسىنىڭ ۇيىمداستىرۋىمەن اقتوبە قالاسىنداعى «تۇران» مەيرامحاناسىندا كوپبالالى جانە از قامتىلعان وتباسىلار بالالارىنا داستارقان جايىلدى.
بۇعان دەيىن «پاتريتسي» مەيرامحاناسىندا وتكەن شارادا 17 بالاعا كيىم-كەشەك تاراتىلسا, وسى جولى قالا كاسىپكەرلەرىنىڭ جانە وبلىستىق باسقارمالاردىڭ, جاستار ۇيىمدارىنىڭ قولداۋىمەن 30 بالاعا مەكتەپ كيىمدەرى مەن وقۋشى قۇرالدارى بەرىلدى. وبلىس اكىمىنىڭ ورىنباسارى سارا نۇرقاتوۆانىڭ ارنايى سىيلىعى ءبىرىنشى بولىپ بيىل مەكتەپ تابالدىرىعىن اتتايتىن الىشەر ەسىمدى ءبۇلدىرشىنگە تاپسىرىلدى. ونىڭ وزىنەن باسقا وتباسىندا التى باۋىرى بار ەكەن. وقۋشىعا قاجەتتى زاتتاردى سىيلىققا العان اپاسى انارگۇل ەكەۋىنىڭ قۋانىشى شەكسىز. بالالارعا سىيلىق جاساۋعا «جاس كۇش», «جاس قۋات», «كۆن وداعى», «جاڭا تولقىن», «اتامەكەن» سياقتى جاستار ۇيىمدارى ۇلەس قوسقان.
وبلىستىق بالالار قۇقىقتارىن قورعاۋ باسقارماسىنىڭ باسشىسى كۇلپارشىن ايدارحانوۆانىڭ ايتۋىنشا, مۇندا التى جىل قاتارىنان وسىنداي شارالار وتكىزىلىپ كەلەدى ەكەن. بۇل جولى بالالاردى «تۇران» مەيرامحاناسى جايعان داستارقانعا شاقىرعان. وسى شاراعا 16 مەكەمەنىڭ, جەكە ۇيىمداردىڭ جانە قايىرىمدىلىق قورلارى قولداۋ كورسەتىپتى. مۇنداي يماندىلىق شاراسىنا ۇيتقى بولۋدى داستۇرگە اينالدىرعان باسقارما ۇجىمى ولاردىڭ اكتسياعا اتسالىسىپ, بالالاردى قۋانتقاندارىنا ريزاشىلىقتارىن ءبىلدىردى. باسقارما اتىنا ساي تاعى ءبىر يگى ءىس تىندىرىپ, اتا-انالار مەن بالالاردىڭ العىسىنا بولەندى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
