كوروناۆيرۋس ىندەتىنىڭ تۇركياداعى سەريالداردىڭ تۇسىرىلىمىنە كەدەرگى كەلتىرگەنى بەلگىلى. بۇگىندە بىرنەشە سەريالدىڭ ءتۇسىرىلىمى كەيىنگە شەگەرىلىپ, بارلىعى كارانتين رەجىمىن ساقتاپ, ۇيدە وتىر. «چۋكۋر» سەريالىنىڭ كومانداسى جاڭا بولىمدەردى كۇتىپ قالعان كورەرمەندەرى ءۇشىن YouTube جەلىسىندە تىكەلەي ەفيرگە شىعىپ, ولارمەن سۇحباتتاستى. #چۋكۋرۇيدە ەفيرىندە اكتەرلەر بۇگىندە نەمەن اينالىسىپ جاتقانىمەن ءبولىسىپ, ۇيدە وتىرۋدىڭ ماڭىزدى ەكەنىن دە ءتۇسىندىرىپ ءوتتى. سونىمەن قاتار ۆيرۋستان ساقتانۋدىڭ جولدارىمەن ءبولىسىپ, جاقىن ارادا قايتا قاۋىشۋعا اسىعاتىنىن جەتكىزدى. وسىلايشا, #ۇيدەوتىر اكتسياسىنا ۇلەس قوسىپ ءارى كورەرمەندەرىمەن جاڭا فورماتتا بايلانىستى.
