الەم • 31 ناۋرىز، 2020

«ول - مەنىڭ ومىرلىك ماحابباتىم»: قاتەرلى ىسىككە شالدىققان قاريا جارىنا قوشتاسۋ حاتىن جازدى

193 رەتكورسەتىلدى

انگليانىڭ سەيل قالاسىنىڭ قاتەرلى ىسىككە شالدىققان تۇرعىنى ءدام-تۇزىم تاۋسىلىپ قالدى دەسە كەرەك، 22 جىل بىرگە تۇراتىن جارىنا جانتەبىرەنتەرلىك حات ارنادى دەپ حابارلايدى egemen.kz ءتىلشىسى Lenta.ru-عا سىلتەمە جاساپ.

سەكسەننىڭ سەڭگىرىنە شىققان نورمان پوللارد قاتەرلى ىسىكتىڭ سوڭعى ساتىسىمەن اۋىرىپ، 84 جاستاعى ايەلى رەنە فوردتان وقشاۋلانعان ەكەن. ءسىرا، ءومىر سۇرۋىمە از ۋاقىت قالدى دەپ ويلادى ما، قوساعىنا حات جازىپ قالدىرۋدى ۇيعارىپتى.

«قانشالىقتى ۇزاق ءومىر سۇرەتىنىمدى بىلمەيمىن، - دەپ جازادى قاريا. - ۆيرۋس مەنىڭ جاعدايىمدى ناشارلاتادى. وعان بۇل حاتتى بەرۋ مەن ءۇشىن وتە ماڭىزدى بولدى».

پوللارد رەنەگە حاتتى اپارىپ تاستاۋعا نيەت بىلدىرگەن ەرىكتىمەن اڭگىمە بارىسىندا جارى ءۇشىن ۋايىمدايتىنىن ءسوز ەتكەن.

«مەن جوق بولىپ كەتكەن كەزدە ونى قاتتى ساعىناتىن بولامىن. مۇندا مەنسىز قالاي كۇن كەشەتىنى الاڭداتادى. ول - مەنىڭ ومىرلىك ماحابباتىم. مەن ءۇشىن ءبارىن ىستەدى. مۇنىڭ ءبارىن وعان جەكە ايتقانمىن. الايدا وندا سوڭعى قوشتاسۋ حاتىمنىڭ بولعانىن قالادىم. ول ونى قانشا قالاسا، سونشا رەت وقي الادى» دەدى ول.

حاتتى العان كەزدە رەنە كۇيەۋىنىڭ ءوزى ءۇشىن قانشالىقتى ماڭىزدى ەكەنىن ايتتى.

«نورمان - جارقىن ادام. ول ماعان سەزىمىن ءبىلدىردى. مەن ول تۋرالى بۇرىننان بىلەتىنمىن، الايدا حات مەن ءۇشىن ماڭىزدى» دەيدى رەنە. 

 

فوتو red gross

سوڭعى جاڭالىقتار

ۇقساس جاڭالىقتار