لاتۆياس ۆەستنەسيس - «لاتۆيا جارشىسى» رەسمي باسىلىمىندا ريگاداعى اۋدانى 65,3 مىڭ شارشى مەتر جەر ۋچاسكەسى عيماراتتارىمەن, سونداي-اق كەڭسە جابدىقتارى مەن جيھازدار اۋكتسيونعا شىعارىلعان. اۋكتسيوننىڭ العاشقى ساتىلىم قۇنى - 100 مىڭ ەۆرو. 30 ناۋرىزدا باستالعان اۋكتسيون 29 ساۋىردە اياقتالادى.
بۇدان بۇرىن ءمالىم بولعانىنداي, وتكەن جىلى ريگاداعى پارداۋگاۆا سوتى Dzintars-ءتى تولەمگە قابىلەتسىز دەپ تانىپ, قۇقىقتىق قورعاۋ ءوندىرىسىن اياقتاعان بولاتىن. نەگىزگى نەسيە بەرۋشى - مەملەكەتتىك كىرىستەر قىزمەتى (SRS) Dzintars-ءتىڭ قۇقىقتىق قورعاۋ شارالارى تۇرعىسىنان جاڭا وزگەرىستەرمەن كەلىسپەگەن. كومپانيا كەلەسى كەزەكتەگى سالىق تولەمىن تولەمەگەندىكتەن, بەرەشەگى 6,8 ملن. ەۋرونى قۇراعان. 2016 جىلدىڭ قازان ايىندا Dzintars كومپانيسى سوتقا تالاپ ارىز بەرگەن. الايدا كومپانيا دايىنداعان قۇقىقتىق قورعاۋ جوسپارىنا ەنگىزىلگەن تۇزەتۋلەردى كرەديتورلار ماقۇلداماعاندىقتان, وتكەن جىلى Dzintars سوتقا بانكروتتىق تۋرالى ءوتىنىش بەردى.
Firmas.lv حابارلاعانداي, Dzintars بەنەفيتسيارى جاڭا كومپانيا - Dzintars Beauty. ونىڭ جالعىز يەسى جانە باسقارمانىڭ جالعىز مۇشەسى يليا گەرچيكوۆ بولىپ تابىلادى. كاپيتالى 2,8 مىڭ ەۋرونى قۇرايدى.
الماتى
