جاڭاوزەن قالاسىنىڭ پوليتسەيلەرى 93-دەن استام كولىك پەن 100-گە جۋىق جولاۋشىلاردى تەكسەرگەن. الەمدى ءدۇر سىلكىنتكەن ىندەتتىڭ الدىن الۋ ماقساتىندا جاڭاوزەندە كەشەندى قاۋىپسىزدىك شارالارى جۇرگىزىلۋدە. 20 ناۋرىزدان باستاپ تۇركىمەنستان-كەندىرلى-جاڭاوزەن باعىتىنداعى بلوك-بەكەتتەرى قويىلىپ سانيتار ماماندار مەن جەرگىلىكتى پوليتسەيلەر تاۋلىك بويى قىزمەت ەتەدى. جالپى, جاڭاوزەن قالاسى بويىنشا 2 بلوك-بەكەتتەر ىسكە قوسىلعان. بۇل بەكەتتەردە پوليتسەيلەر جانە مەديتسينا ماماندارى ءاربىر كولىكتى توقتاتىپ, ارنايى قۇرىلعىمەن ازاماتتاردىڭ دەنە قىزۋلارىن ولشەپ, تەكسەرىستەن وتكىزۋدە. ودان بولەك الەۋمەتتىك, كاسىپكەرلىك نىساندار مەن ادام كوپ جيىلاتىن قوعامدىق ورىنداردىڭ جۇمىس جاساۋ رەجيمى وزگەرتىلىپ, شەكتەۋلەر قويىلدى. الدىن الۋ شارالارىنىڭ بارلىعىندا جاڭاوزەن قالاسى پوليتسيا باسقارماسىنىڭ قىزمەتكەرلەرى قارقىندى جۇمىس جاساپ, كۇشەيتىلگەن قىزمەتكە كىرىسكەن. ءتارتىپ ساقشىلارى رەسپۋبليكالىق ماڭىزى بار اۆتوجولدارداردا قىزمەتتىك كولىكتەرىمەن جۇمىلدىرىلىپ, جەدەل ارەكەت ەتۋدە. جاڭاوزەندىك پوليتسەيلەر بەكەتتەردە ساعات سايىن باقىلاۋ جاساپ, كەزەكشىلىكپەن قىزمەت اتقارۋدا.
ماڭعىستاۋ وبلىسى
