اۋىل شارۋاشىلىعى مينيسترلىگى ۇندى ەكسپورتتاۋ بويىنشا تىيىمدى الىپ تاستاپ, ونىڭ ورنىنا ۇندى رەسپۋبليكادان تىس جەرگە شىعارۋعا شەكتەۋ قويادى.
وسىعان وراي, ەندى بيداي مەن ۇن ەكسپورتى اۋىل شارۋاشىلىعى مينيسترلىگى اي سايىنعى بەلگىلەگەن كۆوتا شەڭبەرىندە جۇزەگە اسىرىلادى.
كۆوتالاردى ءبولۋ مەن ولاردىڭ كولەمى الداعى ۋاقىتتا اۋىل شارۋاشىلىعى مينيسترلىگىنىڭ رەسمي ينتەرنەت رەسۋرسىندا ورنالاستىرىلادى.
سونداي-اق, اشم ءباسپاسوز قىزمەتى رەسپۋبليكادا قانشا استىق كولەمى بار ەكەنىن جاريالادى.
- ۇلتتىق ەكونوميكا مينيسترلىگى ستاتيستيكا كوميتەتىنىڭ مالىمەتتەرى بويىنشا, 2020 جىلدىڭ 1 ناۋرىزىنداعى اقپاراتقا سايكەس قازاقستاندا 9,2 ملن توننا, ونىڭ ىشىندە ازىق-ت ۇلىك – 6,4 ملن توننا, تۇقىمدىق – 1,5 ملن توننا, جەمدىك – 1,3 ملن توننا استىق بار, -دەلىنگەن حابارلامادا.
