قوعام • 30 ناۋرىز، 2020

پاۆلودار مەن سولتۇستىك قازاقستان وبلىستارىندا ازىق-ت ۇلىك پەن ماسكالار تاراتىلدى

14 رەتكورسەتىلدى

21 ناۋرىزدا قازاقستان پرەزيدەنتى قاسىم-جومارت توقاەۆ ء«بىزدىڭ قالالارىمىزدىڭ بارلىق نەگىزگى كوشەلەرىندە ءبىز ازاماتتارعا بەتپەردەلەردى تەگىن تاراتا الاتىن بولامىز. بۇل ۇكىمەت الدىندا تۇرعان وتە شۇعىل جانە جەدەل مىندەت» دەپ اتاپ وتكەن بولاتىن. وسىعان وراي قازاقستان حالقى اسسامبلەياسىنىڭ پاۆلودار، سولتۇستىك قازاقستان وبلىستارىنداعى مۇشەلەرى قايىرىمدىلىق شارالارىن وتكىزىپ، قولعابىس ەتتى.

پاۆلودار وبلىسىنىڭ قازاقستان حالقى اسسامبلەياسىنىڭ مۇشەلەرى مەن دەمەۋشىلەر ازىق-ت ۇلىكتەر جيىنتىعىن، ماسكالار، دەزينفەكتسيا قۇرالدارىن جانە ت.ب. تاراتتى. اتاپ ايتقاندا، «ۆوزروجدەنيە» وبلىستىق نەمىستەر قوعامى» قوعامدىق بىرلەستىگى زەينەتكەرلەردى قولداۋ جونىندەگى جوباعا اتسالىسىپ، اپتاسىنا ەكى، ءۇش رەت ىستىق تۇسكى اس بەرىپ، 32 ازىق-ت ۇلىك جيىنتىعىن تاراتتى. پاۆلودار وبلىسىنداعى «مەركاز» ەۆرەي ەتنومادەني بىرلەستىگى قوعامدىق ورىنداردا 4500 دانا بەتپەردە تاراتتى، «بۋكوۆينا» رۋمىن مادەني قوعامى» قوعامدىق بىرلەستىگى از قامتىلعان ازاماتتارعا ازىق-ت ۇلىك جيىنتىعىن دايىنداپ، تاراتتى، سونداي-اق بالالار بەتپەردەلەرىن تاراتۋدى ۇيىمداستىردى. «ۆاتان» ءازىربايجان قوعامى» قوعامدىق بىرلەستىگى ناۋرىز مەرەكەسىنە وراي 100 بالاعا كونفەتتەر جيىنتىعىن تاراتتى.

سولتۇستىك قازاقستان وبلىسىندا وڭىردە كوروناۆيرۋستىق ينفەكتسياعا جول بەرمەۋگە باعىتتالعان الدىن الۋ شارالارىن كۇشەيتۋ بويىنشا جۇمىس جۇرگىزىلۋدە. سونىمەن، ۆولونتەرلەر، ۇكىمەتتىك ەمەس ۇيىمداردىڭ وكىلدەرى ادامدار كوپ جينالاتىن جەرلەردە: ساۋدا ورتالىقتارىندا، مەديتسينالىق مەكەمەلەردە، پەتروپاۆل قالاسىنىڭ كوشەلەرىندە، سونداي-اق وبلىس اۋداندارىندا اقپاراتتىق بۋكلەتتەر تاراتۋدى ۇيىمداستىردى. اقپاراتتا كوروناۆيرۋستىق ينفەكتسيانى جۇقتىرۋعا جول بەرمەۋ جونىندە ساقتىق شارالارى تۋرالى  اقپارات بار.

سونىمەن قاتار، ۆولونتەرلەر قاۋىپ-قاتەر توبىنداعى قارت ادامدارعا قاجەتتى ءدارى-دارمەكتەر مەن ازىق-ت ۇلىكتەردى ۇيگە جەتكىزۋ ارقىلى كومەك كورسەتۋ جۇمىستارىن ۇيىمداستىردى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار