«2019 جىلى US Open باسەكەسىندە توپ جارعان كانادالىق بيانكا اندرەەسكۋ مەن قازاقستاندىق ەلەنا رىباكينا اراسىندا ايتارلىقتاي ايىرماشىلىق بار. 20 جاستاعى قازاقستاندىق تەننيسشى وتكەن جىلدىڭ شىلدە ايىندا العاشقى جۇزدىككە ەنسە, بيىل 17-ورىنعا كوتەرىلدى. سونداي-اق ول جىل باسىندا WTA Tour تيتۋلىن جەڭىپ السا, وتكەن ايدا دۋبايدا سوفيا كەنين مەن كارولينا پليشكوۆانى جەڭىپ, ءۇش ءتۋرنيردىڭ فينالىنا شىقتى», دەلىنگەن Sportsmole.co.uk باسىلىمىندا.
ايتا كەتەيىك, بيىل رىباكينا كورتتا 25 ماتچ وتكىزىپ, 21 ويىندا جەڭىسكە جەتكەن بولاتىن. سونداي-اق WTA ساناتىنا ەنەتىن ءتورت بىردەي ءتۋرنيردىڭ فينالىندا ونەر كورسەتتى. وسىنداي تابىستى ناتيجەسىنىڭ ارقاسىندا تەننيستەن قازاقستاننىڭ ءبىرىنشى, الەمنىڭ 17-راكەتكاسى اتاندى.
