«كوروناۆيرۋس ينفەكتسياسىنىڭ تارالۋىن بولدىرماۋ ءۇشىن دەزينفەكتسيالاۋ شارالارى بويىنشا اۋقىمدى جۇمىستار جۇرگىزىلىپ جاتىر. ادام كوپ جينالاتىن جەرلەردە ەرەكشە كوڭىل بولىنەدى. ولار: الەۋمەتتىك نىساندار, بازارلار, سۋپەرماركەتتار, بالالارعا ارنالعان ويىن الاڭدارى ت.ب ءتيىستى جەرلەردە دەزينفەكتسيا جۇمىستارى وتكىزىلىپ جاتىر. قالا اۋماعىن ەرىتىندىمەن وڭدەۋگە كۇندەلىكتى 450 ادام قاتىسادى. تەگىن مەديتسينالىق كومەكتىڭ كەپىلدى كولەمى اياسىندا ديسپانسەرلىك ەسەپكە الىنعان ونكولوگيالىق اۋرۋعا شالدىققان ناۋقاستار, جۇكتى ايەلدەر, جاسى 65-تەن اسقان ازاماتتار ماسكامەن قامتىلۋدا. سونىمەن قاتار نۇر-سۇلتان قالالىق قوعامدىق دەنساۋلىق ساقتاۋ باسقارماسى مەديتسينالىق مەكەمەلەرگە تىركەلگەن تۇرعىنداردى ماسكامەن قامتاماسىز ەتۋ ماقساتىندا «سك-فارماتسيا» جشس-مەن بىرلەسىپ, بارلىق مەديتسينالىق مەكەمەلەر قامتىلعان. تاعى دا ايتا كەتەرلىگى 22 ناۋرىزدان بەرى ەلورداعا 1 ميلليوننان استام ماسكا ءدارىحانالاردا ساتىلدى. بۇگىن تاعى 300 مىڭ ماسكا جەتكىزىلدى. ولاردىڭ ءبارى «ەۆروفارم» ءدارىحانالار جەلىسىندە ساتىلىپ جاتىر» دەدى باقتيار ماكەن.
