اتالاعان ۇيىم ماماندارى باكتەريا جۇقتىرعان بۇل توپتاعىلاردى پروفيلاكتيكالىق تەراپيامەن قامتاماسىز ەتۋ ولاردى اۋرۋدان قورعاپ قانا قويماي, تۇرعىندار اراسىندا ينفەكتسيانىڭ تارالۋ قاۋپىن ازايتادى دەگەن ۇستانىمىنان تانباي وتىر.
ددسۇ بيىلعى جىلدى تۋبەركۋلەزبەن كۇرەس جىلى رەتىندە جاريالاي وتىرىپ, قۇرت اۋرۋىنىڭ الەم حالقىنا قاتەرىنىڭ جوعارى ەكەندىگىن ەسكەرتەدى. الەمگە COVID-19 ۆيرۋسىنان قاتەر ءتونىپ تۇرعان كەزەڭدە تۋبەركۋلەزبەن اۋىرعان ادامداردىڭ بۇل ۆيرۋسقا قورعانىش قىزمەتىنىڭ السىزدىگىن ايتىپ دابىل قاعۋدا. اتالعان ۇيىم دەرەكتەرىنە سۇيەنسەك, 2018 جىلى 10 ميلليون ادام تۋبەركۋلەزگە شالدىقسا, ونىڭ 1,5 ميلليونى وسى دەرتتەن كوز جۇمعان.
ددسۇ باس ديرەكتورى تەدروس ادحان گەبرەيەسۋس الەمدىك قاۋىمداستىقتىڭ ءىس-قيمىلى 2030 جىلعا دەيىن تۋبەركۋلەزدى جويۋعا باعىتتالىپ وتىرعانىن جەتكىزدى. ول ءۇشىن قۇرت اۋرۋمەن كۇرەستەگى شارالار ءاربىر ادامعا قولجەتىمدى بولۋى قاجەت. ال COVID-19 ۆيرۋسى ءورشىپ تۇرعان كەزەڭدە تۋبەركۋلەزگە قارسى شارالاردىڭ كۇشەيتىلۋى ۋاقىت كۇتتىرمەيدى.
بۇگىندە بۇۇ-نىڭ تۋبەركۋلەزگە قارسى كۇرەستەگى جەتىستىكتەرىنە قاراماستان, تۋبەركۋلەزدىڭ حيميالىق پروفيلاكتيكاسى ماسەلەلەرىنە ءتيىستى كوڭىل بولىنبەي وتىر. سوندىقتان دا الەمدىك كوشباسشىلار تۋبەركۋلەزبەن اۋىراتىن 24 ميلليون ادامعا جانە ايتۆ-مەن ءومىر سۇرەتىن 6 ميلليون ادامعا پروفيلاكتيكالىق ەم جۇرگىزۋدىڭ ماڭىزدى ماسەلە ەكەندىگىن ەسكەرتەدى.
الماتى
