قازاقستان پرەزيدەنتىنىڭ نۇسقاۋىنا, قورعانىس مينيسترلىگى مەن سىرتقى ىستەر مينيسترلىگىنىڭ, سونداي-اق تاجىكستاننىڭ مەملەكەتتىك ورگاندارىنىڭ كۇش-جىگەرىنە سايكەس, ءبىزدىڭ وتانداستارىمىز ەلىمىزگە ورالا الدى.
سونداي-اق ۇشۋداعى قاۋىپسىزدىك ماقساتىندا ولاردى اسكەري دارىگەرلەردىڭ مەديتسينالىق توبى الىپ ءجۇردى. ەلىمىزگە كەلگەن قازاقستاندىقتاردىڭ اراسىندا كوروناۆيرۋستى جۇقتىرعاندار جوق. بارلىق جولاۋشىلار وزدەرىن جاقسى سەزىنەدى, دەنساۋلىقتارىنا شاعىمدارى جوق. ەرەجەگە سايكەس ەلگە ورالعانداردىڭ بارلىعى مەديتسينالىق تەكسەرۋدەن ءوتىپ, ينفەكتسيالىق باقىلاۋ تالاپتارىن ساقتاي وتىرىپ, كارانتينگە ورنالاستىرىلاتىن بولادى.
ەستەرىڭىزگە سالا كەتەيىك, بۇعان دەيىن قازاقستان ااك اسكەري-كولىك اۆياتسياسىنىڭ كۇشىمەن ساۋد ارابياسىنان 33, كۋۆەيت مەملەكەتىنەن 2, قىرعىزستاننان 21 قازاقستاندىق ەۆاكۋاتسيالانعان بولاتىن.
وتانىمىزعا قايتا ورالعان قازاقستاندىقتار قازاقستان ۇكىمەتى مەن قورعانىس مينيسترلىگىنە العىستارىن ءبىلدىردى. اسكەري قىزمەتشىلەردىڭ وزدەرى اتاپ وتكەندەي, əسكەر – بۇل ەڭ الدىمەن ءوز حالقىنىڭ قورعاۋشىلارى جانە قازاقستاندىقتاردىڭ قاۋىپسىزدىگىن ساقتاۋشىلار.
