-ءبىزدىڭ ۇستازدار - «نازارباەۆ زياتكەرلىك مەكتەپتەرى» دببۇ قاراستى ءبىلىم بەرۋ باعدارلامالارى ورتالىعىنا قاراستى جوبالىق توپتىڭ مۇشەسى. ۆيدەوساباقتار ورتالىق ماماندارىنىڭ تاپسىرۋى بويىنشا ءتۇسىرىلدى. كەيىن ۇستازدار رەتىندە بىرىگىپ, جوسپارعا كىرىستىك, دەيدى اعىلشىن ءتىلى ءپانىنىڭ ەكسپەرت مۇعالىمى اسەل باتتالوۆا.
ۇستازدار ساباقتى ءتۇسىرۋدى بيىلعى جىلدىڭ اقپان ايىندا باستاعان. بۇگىندە وقۋشىلارعا ارنالعان 14 ۆيدەوساباق ۆيرۋتالدى مەكتەپ سايتىندا تۇر. وقۋشىلار ساباقتاردى كورۋ ءۇشىن سايتقا تىركەلىپ جەكە كابينەت اشۋى ءتيىس.
مۇعالىمدەردىڭ ايتۋىنشا, ءار ساباق جالپى ءبىلىم بەرۋ مەكتەپتەرىنىڭ وقۋ باعدارلاماسىنىڭ بولىمدەرىنە سايكەس وقۋ جانە بەكىتۋ ماتەريالدارىنان تۇرادى. دارىستەر ۆيدەوساباقتار, اۋديو/ۆيدەوماتەريالدار, وقۋ قۇرالدارى تۇرىندە بەرىلگەن. وقۋشى وزىنە ىڭعايلى كەز كەلگەنۋ اقىتتا ماتەريالدى اشىپ, وقي الادى. ال ديداكتيكالىق ماتەريال العان ءبىلىمدى بەكىتۋ تاپسىرمالارىنان (تەستتەر, تاپسىرمالار, جاتتىعۋلار), ونى ورىنداۋ الگوريتمدەرى مەن جاۋاپتارىنان تۇرادى.
- قازىرگى كەزدە كامەراعا ساباقتى تۇسىرە سالۋ قىزىقتى ەمەس. بالالارعا قابىلداۋ جەڭىل ءارى كوڭىلدى بولۋ ءۇشىن بىزدەر كاك Powtoon جانە iSpring Free Cam باعدارلامالارىن انيماتسيا ءۇشىن قولداندىق, دەيدى بىرنەشە وقۋ باعدارلامالارىنىڭ اۆتورى اسەل ساعىنبەكقىزى.
ەستەرىڭىزگە سالا كەتەيىك, ۆيرتۋالدى مەكتەپ «ماتەماتيكا», «قازاق ءتىلى», «ورىس ءتىلى», «اعىلشىن ءتىلى» پاندەرى بويىنشا وقۋدان وتۋگە, وتكەن تاقىرىپتاردى بەكىتۋگە ارنالعان تاپسىرمالاردى ورىنداۋعا جانە ونلاين فورماتىندا قاشىقتىقتان قورىتىندى تەست تاپسىرۋعا مۇمكىندىك بەرەدى. قورىتىندى تەستىلەۋ بويىنشا ەڭ جوعارى بالدىڭ 50 نەمەسە ودان جوعارى پايىزىن جيناعان وقۋشىلار زياتكەرلىك مەكتەپتەر بازاسىندا وتەتىن كۇندىزگى ساباقتار جانە كونكۋرستىق ىرىكتەۋ تەستىلەۋىنىڭ بەيىندىك پاندەرى بويىنشا كەڭەس الۋعا كانيكۋليارلىق مەكتەپكە شاقىرىلادى.
ۆيرتۋالدى جانە كانيكۋليارلىق مەكتەپتەردە وقۋ وقۋشىلارعا نازارباەۆ زياتكەرلىك مەكتەبىنە تۇسۋگە دايىندىقتى باستاۋعا, وقۋدىڭ تيىمدىلىگىن ارتتىرۋعا, قاجەتتى داعدىلارىن شىڭداۋعا جانە وقۋعا ىنتالارىن ارتتىرۋعا كومەكتەسەدى.
ماڭعىستاۋ وبلىسى
