وڭتۇستىك استاناداعى «جاقسىلىق چەللەنجى» ناۋقانىن وتكىزۋگە الماتى قالاسىنىڭ كاسىپكەرلەر پالاتاسى قولداۋ ءبىلدىردى. ونىڭ بارىسىندا بارلىعى 3120 قايتالاپ قولدانۋعا بولاتىن مەديتسينالىق ماسكالار, 240 ورامال, 713 مەديتسينالىق حالات جانە باس كيىمدەر, 107 مەديتسينالىق جانە 32 جۇپ حيرۋرگيالىق تاپىشكە, سونداي-اق زالالسىزداندىرۋ قۇرالدارى مەن جەكە گيگيەنا تاۋارلارى بەرىلدى.
ناۋقاندى باستاعان الماتىلىق كومپانيالار قاتارىندا «سەميراميدا» تىگىن فيرماسى» جشس, «ProfiModa» جشس, «كازسپو-ن» جشس, «ميميوريكي» جشس, «Endeavour» جشس, «ASKIM-TEX» جشس, «كازلەگپروم الماتى» جشس, «سىمبات ءسان اكادەمياسى» جشس, «بولاشاق بىرىڭعاي ءۇيى» جشس بار. ناۋقانعا الماتى, اقتوبە, شىمكەنت, قوستاناي جانە تالدىقورعان اسسوتسياتسياسىنىڭ مۇشە كومپانيالارى قوسىلدى. اقتوبەدەن «گلوبال-سپەتسودەجدا» جشس, شىمكەنتتەن – «گاۋحار» جشس, «الاتەكس» جشس, «جىبەك» جشس, شىمكەنت قالاسىنداعى «سەميراميدا» تىگىن فيرماسى» جشس فيليالى, قوستانايدان - «بولشەۆيچكا» جشس, تالدىقورعاننان «اجار» جشس قوسىلدى. قاۋىمداستىقتىڭ حابارلاۋىنشا, بۇل تەك ناۋقاننىڭ باستاماسى عانا. الداعى ۋاقىتتا قازاقستاننىڭ باسقا وڭىرلەرى دە وسى ەستافەتانى قابىلدايتىن بولادى.
جەڭىل ونەركاسىپ كاسىپورىندارى قاۋىمداستىعى 1999 جىلى جەڭىل ونەركاسىپ كاسىپورىندارىنىڭ باستاماسىمەن قۇرىلعان. ونىڭ قۇرامىنا توقىما, تريكوتاج, تىگىن, بىلعارى جانە تەرى جانە اياق كيىم ءوندىرىسى, سونىمەن قاتار ءونىم ساپاسىن تەكسەرەتىن زەرتحانالار, وقۋ ورىندارى جانە باسقا دا ۇيىمدار كىرەدى. قاۋىمداستىق قۇرامىندا 130-دان استام كومپانيالار بار. سونداي-اق, قاۋىمداستىق قۇرامىنا قازاقستاننىڭ ۇلپەك ساۋدا-ونەركاسىپتىك قاۋىمداستىعى جانە قازاقستان بىلعارى شيكىزاتتارى مەن تەرى وڭدەۋشىلەر قاۋىمداستىعى كىرەدى. بۇگىنگى تاڭدا قازاقستان رەسپۋبليكاسىنىڭ ءارتۇرلى ايماقتارىندا بەس وكىلدىك اشىلدى.
الماتى
