«مەملەكەتتىك ورگاندار اكتسيونەرلەردىڭ جىلدىق جالپى جينالىسىندا 2020 جانە ودان كەيىنگى جىلداردىڭ قورىتىندىلارى بويىنشا اكتسيونەرلىك قوعامنىڭ (جشس) تازا كىرىس سوماسىنىڭ كەمىندە 70% مولشەرىندە ديۆيدەندتەر تولەۋگە جانە ۋاقتىلى اۋدارۋعا باعىتتاۋ شارالارىن قابىلداۋى كەرەك», - دەپ شەشىم قابىلداندى.
بۇعان دەيىن ءبىز پرەزيدەنت قاسىم-جومارت توقاەۆ كۆازي-كومپانيالاردىڭ شەتەلدىك ۆاليۋتاداعى دەپوزيتتەرىن قازاقستاننىڭ قارجى جۇيەسىنە كەزەڭ-كەزەڭىمەن قايتارۋدىڭ كەستەسىن قۇرۋدى تاپسىرعانىن جازعانبىز.
كۆازي-كومپانيالاردىڭ شەتەلدىك ۆاليۋتاداعى دەپوزيتتەرىن قازاقستاننىڭ قارجى جۇيەسىنە كەزەڭ-كەزەڭىمەن قايتارۋدىڭ كەستەسى قۇرىلدى.
ەسكە سالساق, 16 ناۋرىزدا ۇلتتىق بانك تەپە-تەڭدىك ستاۆكاسىن قالىپتاستىرۋعا ءوز ۇلەسىن قوسۋعا نيەتتى ەكەنىن مالىمدەدى. باسقاشا ايتقاندا, ول ۇلتتىق ۆاليۋتانى قولداۋدى توقتاتتى. سودان كەيىن ۇلتتىق بانك بۇل شەشىمدى «ايىرباستاۋ باعامىن بۇرىنعى دەڭگەيدە ۇستاپ تۇرۋ جانە ەلدىڭ ۆاليۋتالىق رەزەرۆتەرىنىڭ ەداۋىر تومەندەۋىنە, دوللارلانۋعا, وتىمدىلىك داعدارىسىنا جانە ەكونوميكاداعى جاعدايدىڭ ودان سايىن ناشارلاۋىنا اكەلەدى» دەپ ءتۇسىندىردى.
