وبلىس اۋماعىنداعى بلوك بەكەتتەردە ءبىر اۋىسىمدا شامامەن 100 ءتارتىپ ساقشىسى قىزمەت اتقارۋدا. قوزعالىستى شەكتەۋ مەن تەكسەرۋ ورىندارىنىڭ سەگىزى قاراساي اۋدانىندا, التاۋى ىلە اۋدانىندا جانە تاعى ۇشەۋى تالعار اۋدانىندا ورناتىلعان.
وتكەن تاۋلىك ىشىندە بلوك بەكەت جۇمىسىنا جۇمىلدىرىلعان قىزمەتكەرلەر 3 266 كولىكتى تەكسەردى. 19 ناۋرىزدان, ياعني كارانتين ەنگىزىلگەلى بەرى 23 000 كولىك تەكسەرۋدەن وتكەن.
سونىمەن قاتار, وبلىس ورتالىعى تالدىقورعان قالاسى ماڭىنا دا 4 سانيتارلىق بەكەت قويىلدى. وسى ارالىقتا وبلىس ورتالىعىنا 8 064 كولىككە مىنگەن 20 مىڭنان استام جولاۋشى كىردى. 21 ناۋرىزدان بەرى بەكەتتەردەن 21 371 كولىكتىڭ وتكەنى انىقتالدى. ال اكىمشىلىك قۇقىق بۇزۋشىلىق زاڭناماسىن ساقتاماعان 26 تۇلعا جاۋاپكەرشىلىككە تارتىلىپتى.
الماتى وبلىسى
