نۇر-سۇلتان قالاسىنىڭ پروكۋراتۋراسىندا مالىمدەگەندەي, كورونوۆيرۋستىق ينفەكتسيانىڭ تارالۋىنىڭ الدىن الۋ ماقساتىندا پروكۋرورلار, پوليتسەيلەر, اكىمدىك جانە تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى كىزمەتكەرلەرىنەن تۇراتىن موبيلدىق توپ كاسىپكەرلىك سۋبەكتىلەرى اراسىندا كارانتين تالاپتارى مەن توتەنشە جاعداي رەجيمىن ساقتاۋ ماقساتىندا اقپاراتتىق-ءتۇسىندىرۋ جۇمىستارىن جۇرگىزۋدە.
«29 ناۋرىزداعى جاعدايعا سايكەس, 250-دەن استام شاعىن جانە ورتا بيزنەس سۋبەكتىلەرى (كوپ پاتەرلى ۇيلەردە ورنالاسقان دۇكەندەر, اۋلا دۇكەندەرى, شاعىن ماركەتتەر, سۋپەرماركەتتەر) ءتۇسىندىرۋ شارالارىمەن قامتىلدى. جەكە مەنشىك يەلەرى مەن جالعا الۋشىلار ارالاۋ بارىسىندا «توتەنشە جاعداي تۋرالى» زاڭ, باس مەملەكەتتىك سانيتارلىق دارىگەردىڭ قاۋلىلارى جانە قالالىق شۇعىل شتاب شەشىمىنىڭ تالاپتارى ءتۇسىندىرىلدى. اتاپ ايتقاندا, كورونوۆيرۋستىق ينفەكتسيانىڭ تارالۋىنا جول بەرمەۋگە باعىتتالعان ءىس-شارالار اياسىندا جۇمىس كەستەسىن جانە ءتارتىبىن بەلگىلەۋ, سانيتارلىق جانە دەزينفەكتسيالىق شارالار تالاپتارىن ساقتاۋ قاجەتتىگى ايتىلدى», – دەپ حابارلادى قالالىق پروكۋراتۋرادان.
