1. تولەم الۋشىلار شەڭبەرى كەڭەيتىلدى.
باستاپقىدا ءبىر ادامعا ايىنا 42,5 مىڭ تەڭگەنى (ەڭ تومەنگى جالاقى) قۇرايتىن الەۋمەتتىك تولەم ازاماتتاردىڭ مىنا ساناتتارىنا تولەنۋى كەرەك ەدى:
- ورتا, شاعىن جانە ميكروبيزنەس سۋبەكتىلەرىنىڭ قىزمەتكەرلەرى;
- جەكە كاسىپكەرلەر (جك);
- جەكە پراكتيكامەن اينالىساتىن ادامدار (نوتاريۋس, جەكە سوت ورىنداۋشىسى, ادۆوكات, كاسىبي مەدياتور) (جپ);
- بىرىڭعاي جيىنتىق تولەمدى تولەۋشىلەر (بجت).
ەندى ولارعا:
- نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق-قۇقىقتىق سيپاتتاعى شارتتار بويىنشا تابىس تاباتىن ادامدار (اقس), وزدەرى ۇشىن سالىق اگەنتتەرى مىندەتتى زەينەتاقى جارنالارىن اۋدارعان جەكە تۇلعالار كىرەدى.
- كارانتين ەنگىزىلگەن ەلدى مەكەندەردەگى ءىرى بيزنەس سۋبەكتىلەرىنىڭ قىزمەتكەرلەرى.
2. توتەنشە جاعدايعا بايلانىستى تابىستى جوعالتۋ فاكتىسىن راستايتىن قۇجاتتاردى ۇسىنۋ قاجەتتىلىگى جويىلدى.
بۇرىن الەۋمەتتىك تولەمدەر تۋرالى ءوتىنىشتى جۇمىس بەرۋشىلەر ءوز قىزمەتكەرلەرى ءۇشىن, جك, جپ جانە بجت تولەۋشىلەر – وزدەرى بەرە الاتىن. سونىمەن بىرگە, جۇمىس بەرۋشىلەر توتەنشە جاعداي كەزىندە قىزمەتتى شەكتەۋگە بايلانىستى ءوز قىزمەتكەرلەرىنىڭ تابىسىن جوعالتۋىن راستايتىن قۇجاتتاردى, قىزمەتكەرلەردىڭ ءتىزىمىن جانە قىزمەتكەرلەرگە جالاقىسى ساقتالمايتىن ەڭبەك دەمالىسىن بەرۋ تۋرالى بۇيرىقتان ءۇزىندى كوشىرمەنى ۇسىنۋى كەرەك ەدى.
ەندى توتەنشە جاعداي سالدارىنان كىرىستى جوعالتۋ فاكتىسىن راستايتىن قۇجاتتاردى ۇسىنۋعا قويىلاتىن تالاپتار الىنىپ تاستالدى.
الەۋمەتتىك تولەمدەردى تاعايىنداۋ ءۇشىن:
- جۇمىس بەرۋشىلەر ءوتىنىشتى تەك قىزمەتكەرلەردىڭ ءتىزىمىن قوسا بەرە الادى;
- جك, جپ, اقس جانە بجت تولەۋشىلەر جەكە دەرەكتەردى كورسەتە وتىرىپ, تەك ءوتىنىش بەرەدى.
سونداي-اق, قىزمەتكەر جۇمىس بەرۋشىنى كۇتپەي-اق ءوتىنىشتى ءوزى بەرە الادى.
سونىمەن بىرگە بارلىق ءوتىنىش بەرۋشىلەر توتەنشە جاعدايدىڭ ەنگىزىلۋىنە بايلانىستى كىرىستەردى جوعالتۋ فاكتىسىنىڭ دۇرىستىعى ءۇشىن وزىنە جاۋاپكەرشىلىك الادى.
ءوتىنىش «ەلەكتروندىق ۇكىمەت» ۆەب-پورتالىندا «ەلەكتروندىق ءوتىنىش» سەرۆيسى ارقىلى ەلەكتروندىق فورماتتا بەرىلەدى.
3. تولەم تاعايىنداۋ ءۇشىن الەۋمەتتىك ساقتاندىرۋ جۇيەسىنە قاجەتتى قاتىسۋ مەرزىمى قىسقارتىلدى.
بۇرىن تولەم تاعايىنداۋ ءۇشىن الەۋمەتتىك ساقتاندىرۋ جۇيەسىندە سوڭعى 12 اي ىشىندە كەم دەگەندە 3 اي قاتىسۋ تالاپ ەتىلەتىن.
ەندى قىزمەتكەردىڭ (جك جانە جپ دەربەس) مەملەكەتتىك الەۋمەتتىك ساقتاندىرۋ قورىنا (اقس ءۇشىن – بجزق-عا جارنالار) سوڭعى 12 ايدا كەمىندە 1 رەت الەۋمەتتىك اۋدارىمدار جاساۋى, الەۋمەتتىك تولەم تاعايىنداۋ ءۇشىن جەتكىلىكتى بولادى.
ماسق-تەن الەۋمەتتىك تولەمدى تاعايىنداۋعا ۇمىتكەر ازاماتتارعا الەۋمەتتىك اۋدارىمدار نەمەسە زەينەتاقى جارنالارىنىڭ بار-جوعىن دالەلدەۋدىڭ قاجەتى جوق, بۇنى اۆتوماتتى تۇردە «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق تەكسەرەدى.
4. وتىنىمدەردى قاراۋ جانە الەۋمەتتىك تولەمدى تاعايىنداۋ مەرزىمى 7-دەن 3 جۇمىس كۇنىنە دەيىن قىسقارتىلدى.
