ايماقتار • 29 ناۋرىز، 2020

قاراعاندى وبلىسىندا كارانتين قالاي جۇرگىزىلەدى؟

546 رەتكورسەتىلدى

قاراعاندى وبلىسىندا 30 ناۋرىزدان باستاپ قاراعاندى، ساران، شاحتينسك، اباي جانە تەمىرتاۋ قالالارى كارانتينگە جابىلاتىن بولدى. بۇل تۋرالى تىكەلەي ەفيردە وتكەن بريفينگتە وبلىستىڭ باس سانيتار دارىگەرى قانات اسقاروۆ مالىمدەدى.

– قازىرگى ۋاقىتتا قاراعاندىدا كوروناۆيرۋس جۇقتىرعان جەتى وقيعا تىركەلدى. سەرىكتەس قالالارداعى تۇرعىندارىنىڭ 20 پايىزى قاراعاندىعا جۇمىسقا جانە باسقا دا شارۋالارىمەن قاتىنايتىنىن ەسكەرە وتىرىپ، كوروناۆيرۋس ينفەكتسياسىنىڭ تارالۋىنا جول بەرمەۋ ءۇشىن اتالعان قالالاردى كارانتينگە جابۋ تۋرالى شەشىم قابىلداندى، – دەدى ول.

ەسكەرتە كەتەتىن ءبىر جايت، وبلىستا كارانتيندىك ءىس-شارالار كەزەڭ-كەزەڭىمەن جۇزەگە اسىرىلادى. اۋەلى جەكەلەگەن شەكتەۋلەر قويىلادى. سودان كەيىن بارىپ، كارانتين اۋماعى تۇگەلدەي قورشاۋعا الىنادى. بۇل ءىس-شارانىڭ بارىسى  جانە ۋاقىتى قوسىمشا حابارلاناتىن بولادى.

سونىمەن قاتار، قانات اسقاروۆ ارنايى رەيستەردى شەكتەمەي، اۆتو جانە تەمىر جول ۆوكزالدارىن جابۋ جونىندە مەملەكەتتىك كوميسسياعا ءوتىنىش حات جىبەرىلەتىنىن جەتكىزدى. «سونداي-اق، قوعامدىق كولىكتى شەكتەۋ جانە كارانتين اۋماعىن تولىقتاي قورشاۋعا الۋعا ءوتىنىش حات جىبەرەمىز»، دەپ اتاپ ءوتتى وبلىستىڭ باس سانيتار دارىگەرى.

بريفينگتە قاراعاندى قالاسىنىڭ اكىمى نۇرلان اۋباكىروۆ 30 ناۋرىزدان باستاپ كۇشىنە ەنەتىن قاۋىپسىزدىك ءىس-شارالارى تۋرالى ايتىپ بەردى.

– ءبىرىنشى كەزەكتە ازىق-ت ۇلىك، ءدارى-دارمەك، بانك قىزمەتىن الۋ جانە جۇمىسقا بارۋدان باسقا جاعدايدا ازاماتتاردىڭ ۇيدەن شىعۋى شەكتەلەدى. ەكىنشىدەن، جاسى 65-تەن اسقان ادامدارعا ۇيدە وتىرۋعا كەڭەس بەرىلەدى. ءۇشىنشى – ساياباقتار، گۇلزارلار، جاياۋ جۇرەتىن كوشەلەر، ويىن الاڭقايلارى جانە باسقا دا ادام كوپ جينالاتىن جەرلەر جابىلادى. تورتىنشىدەن، بيزنەس-ورتالىقتاردىڭ جۇمىسىنا ساعات 10.00-دەن 15.00-گە دەيىن شەكتەۋ قويىلادى. ول جەرلەردەگى قوعامدىق تاماقتاندىرۋ ورىندارىنىڭ جۇمىسى توقتاتىلادى. بەسىنشى – بارلىق م ۇلىكتىك مەنشىك نىسانىنداعى كاسىپورىندار مەن ۇيىمدارعا جۇمىس ۋاقىتىن ەكى ساعاتقا قىسقارتۋ ۇسىنىلادى، – دەدى قالا اكىمى.

بۇدان بولەك، اۋماعى 2 مىڭ شارشى مەتردەن اساتىن نىسانداردىڭ جانە ازىق-ت ۇلىك ەمەس تاۋارلاردى ساتۋ جونىندەگى بارلىق ساۋدا ورىندارىنىڭ قىزمەتى ۋاقىتشا توقتاتىلادى. مەملەكەتتىك جانە جەكەمەنشىك بالاباقشالار جابىلادى. سۇلۋلىق سالوندارى، قوعامدىق مونشالار مەن ساۋنالار، بۋكمەكەرلىك كەڭسەلەر جانە باسقا دا قىزمەت كورسەتۋ ورىندارى جۇمىسىن توقتاتادى.

مەيرامحانالار مەن دامحانالارعا تەك تاپسىرىس جەتكىزۋ قىزمەتى ءۇشىن جۇمىس ىستەۋگە رۇقسات بەرىلەدى.

كوشەلەردە جانە باسقا دا قوعامدىق ورىنداردا وتباسى مۇشەلەرىنەن باسقا، توپ بولىپ ءۇش ادامنان ارتىق جينالۋعا تىيىم سالىنادى. كامەلەتتىك جاسقا  تولماعانداردىڭ ەرەسەكتەرسىز قالادا جۇرۋىنە تىيىم سالىنادى.

سوڭعى مالىمەتتەرگە ساي، قاراعاندىدا كارانتيندە تاۋلىك بويى باقىلاۋعا الىنعان 509 ادام بار. بۇلار 1ا ساناتىنداعى ەلدەردەن ورالعان نەمەسە شارتتى تۇردە ينفەكتسيا جۇقتىرعان ادامدارمەن بايلانىستا بولعان ازاماتتار. تاعى 421 ادام ءۇي كارانتينىنە الىنعان.

وبلىستىق دەنساۋلىق ساقتاۋ باسقارماسىنىڭ باسشىسى ەرجان نۇرلىباەۆ بيۋدجەت قاراجاتىنا ەكسپرەسس-تەست پارتياسىنىڭ ساتىپ الىنعانىن جانە ونىڭ وبلىسقا 7 ءساۋىر كۇنى جەتكىزىلەتىنىن حابارلادى. تەستىلەۋ كلينيكالىق كورسەتكىشتەرى بولعان جاعدايدا اۋماقتىق ەمحانالاردا تەگىن جۇرگىزىلەدى.

– قازىرگى ۋاقىتتا كوروناۆيرۋستى جۇقتىرۋدىڭ جەتى وقيعاسى انىقتالدى، ونىڭ تورتەۋى سىرتتان اكەلىنگەن جانە اۋىرعانداردىڭ ۇشەۋى ءبىزدىڭ وبلىستىڭ  تۇرعىندارى. بارلىق ناۋقاستار ەپيدەمياعا قارسى قاۋىپسىزدىك شارالارى ساقتاي وتىرىلىپ وقشاۋلانعان جانە ولار ەمدەۋ كۋرسىنان وتۋدە. قازىرگى ۋاقىتتا ولاردىڭ جاعدايى قاناعاتتانارلىق دەپ باعالانادى. قاجەتتى ءدارى-دارمەك تولىق كولەمدە بار، – دەدى ەرجان نۇرلىباەۆ.

بريفينگ بارىسىندا سپيكەرلەر جۋرناليستەردىڭ قاراعاندىداعى كوروناۆيرۋس جۇقتىرۋدىڭ سوڭعى ءۇش وقيعاسىنا قاتىستى قويعان سۇراقتارىنا جاۋاپ بەردى.

– ءبىز ناۋقاستارمەن بايلانىستا بولعان ەپيدەميولوگيالىق تىزبەكتى توقتاتۋ بويىنشا شارالار جۇرگىزۋدەمىز. ولاردىڭ بارلىعى انىقتالىپ، كارانتينگە ورنالاستىرىلدى. ەمدەلۋشىلەردىڭ ءبىرىنىڭ قاتاڭ كارانتين رەجيمىن بۇزعاندىعى انىقتالدى. سوندىقتان، ءبىز سانيتارلىق-ەپيدەميولوگيالىق ءىس-شارالاردى كۇشەيتتىك. اتاپ ايتقاندا، قاراعاندىداعى كوپ قاباتتى ۇيلەردىڭ ءبىرىنىڭ كىرەبەرىسىن كارانتينگە جاپتىق،  – دەدى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى قانات اسقاروۆ.

بريفينگتىڭ سوڭىندا سپيكەرلەر قاراعاندى وبلىسىنىڭ تۇرعىندارىن ۇرەيگە بوي الدىرماي، تۇسىنۋشىلىك تانىتىپ، تالاپتاردى قاتاڭ ساقتاۋعا شاقىردى. 

 

قاراعاندى وبلىسى

 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار