ايماقتار • 29 ناۋرىز، 2020

سالىق تولەۋگە قاتىستى جەڭىلدىكتەر مەن قولداۋ پاكەتى بەلگىلەندى

31 رەتكورسەتىلدى

قازىرگى كوروناۆيرۋس كەزەڭى رەسپۋبليكا وڭىرلەرىنىڭ قارجى-ەكونوميكالىق جاعدايىنا تەرىس اسەرىن تيگىزبەي قويمايتىنى كامىل. بۇلاي بولاتىن سەبەبى بۇعان دەيىنگى قالىپتى كەزەڭدەگىدەي ەمەس، جەرگىلىكتى بيۋدجەتتەردەن قاراجات كولەمىنىڭ بەلگىلى ءبىر كولەمى كوروناۆيرۋسقا قاتىستى ءىس-شارالاردى جۇرگىزۋگە بولىنەتىنىندە.

بۇل جونىندە اقتوبە وبلىسىنداعى احۋال قانداي دەگەن ساۋالعا جاۋاپ ىزدەپ كورسەك، بۇگىنگى كۇنى جەرگىلىكتى اتقارۋشى ورگانداردىڭ رەزەرۆى –  2 ميلليارد 445 ميلليون تەڭگە ەكەنىن كورەمىز. اتالعان قاراجات كوزىن توتەنشە جاعداي تالاپتارىنان تۋعان ءىس-شارالاردى اتقارۋعا جۇسماۋ كوزدەلگەن.  بىرىنشىدەن ونىڭ باسىم بولىگى وبلىس ورتالىعى مەن اۋداندار اۋماقتارىن دەزينفەكتسيالاۋعا پايدالانىلۋدا. ەكىنشىدەن وڭىردە الەۋمەتتىك ماڭىزى بار تاۋارلاردىڭ باعاسىن وسىرمەۋ جانە تۇراقتاندىرۋ قورىن ۇدايى تولىقتىرىپ وتىرۋ ماسەلەسىنە باسا نازار اۋدارىلعان. بۇعان دا بيۋدجەت قاراجاتتارى جۇمسالۋدا. قوماقتى سومانىڭ كەلەسى كەزەگى قاجەتتى مەديتسينالىق پرەپاراتتار مەن بۇيىمدار ساتىپ الۋعا جانە حالىقتىڭ وسال توپتارىن قولداۋعا باعىتتالعان.

تالاس جوق، ەلىمىزدە جاريالانعان توتەنشە جاعداي ۋاقىتشا بولسا دا، ىسكەر ازاماتتار مەن كاسىپكەرلەردىڭ، سونداي-اق شاعىن جانە ورتاشا بيزنەس وكىلدەرىنىڭ قىزمەتىنە تەجەۋ سالىپ وعان تەرىس اسەرىن تيگىزبەي قويمايدى. وسىعان وراي وبلىستا سالىق تولەۋگە قاتىستى بىرقاتار جەڭىلدىكتەر مەن قولداۋ شارالارى بەلگىلەنىپ، ونىڭ تۇتاستاي پاكەتى ازىرلەنگەن. بۇل جونىندە گازەت تىلشىسىنە اقتوبە وبلىسى اكىمىنىڭ ەكونوميكا جانە قارجى جونىندەگى ورىنباسارى رۋسلان حامباروۆ ايتىپ بەردى.

بۇل ءتارتىپ ەلىمىزگە توتەنشە جاعداي ەنگىزىلۋىنە بايلانىستى قر قارجى مينيسترلىگى مەملەكەتتىك كىرىستەر كوميتەتىنىڭ بيزنەس سۋبەكتىلەرىنە قولداۋ كورسەتۋگە بايلانىستى قابىلدانعان شارالارىنان كەيىن جۇزەگە اسا باستاعانىن ايتقان ءجون. سوعان سايكەس سالىقتىق دەكلاراتسيالاردى تابىس ەتۋ مەرزىمى وتىز كۇنگە ۇزارتىلدى. سوىنمەن ىرگە ازاماتتار بىرقاتار سالىق تۇرلەرىن تولەۋدەن بوساتىلدى. ونىڭ ىشىندە زاڭدى تۇلعالار مەن جەكە كاسىپكەرلەردىڭ ءىرى ساۋدا عيماراتتارى، كينو جانە كورمە زالدارى، تەاترلار، ساۋدا، ويىن-ساۋىق ورتالىقتارى جانە دەنە شىنىقتىرۋ، ساۋىقتىرۋ باعىتىنداعى سپورتتىق نىساندار بار.

سونداي-اق اۋىلشارۋاشىلىعى تاۋارلارىن وندىرۋشىلەر اۋىلشارۋاشىلىعى ماقساتىنداعى جەر سالىعىن تولەۋدەن بوساتىلعانى قازىرگى كۇننىڭ وڭدى تاكتيكالىق ءتاسىلىنىڭ ءبىرى رەتىندە باعالانىپ وتىر. بۇل قاتارعا سالىق سالۋدىڭ جالپىعا بىردەي تارتىبىمەن جۇمىس جاسايتىن جەكە كاسىپكەرلەر دە كىرەدى. ياعني ولار پاكەتتە قاراستىرىلعان جەڭىلدىكتەرگە سايكەس تابىس سالىق تولەمەيدى. وسى ارادا دەبيتورلار اراسىندا ءوزارا ەسەپ ايىرىسۋلاردى ايقىنداۋ جونىندەگى تاعايىندالاتىن تاقىرىپتىق تەكسەرۋدەر دە توقتاتىلعانى بەلگىلى بولىپ وتىر.

- مەملەكەتتىك كىرىستەر ورگاندارى بانكروت دەپ تانۋ تۋرالى شەشىمدى قابىلداۋ ءۇشىن سوتقا تالاپ-ارىز بەرۋ ماسەلەسى دە توقتاتىلاتىن بولدى.   سونىمەن قاتار كامەرالىق باقىلاۋ ناتيجەلەرى بويىنشا زاڭ بۇزۋشىلىقتارى انىقتالعان جاعدايدا حابارلاردى جىبەرۋ دە توقتاتىلماق. كەرىسىنشە توتەنشە جاعداي مەرزىمى اياقتالاتىن كەزگە دەيىن حابارلامالاردى ورىنداۋ ۋاقىتى ۇزارتىلدى. كەدەندىك شەكارالاردا الەۋمەتتىك ماڭىزى بار ازىق-ت ۇلىكتەرگە جاسىل ءدالىز بەلگىلەۋ شارالارى قولعا الىندى. ەڭ باستىسى سالىقتىق جانە كەدەندىك تەكسەرۋلەر توقتاتىلدى دەدى،- بۇگىنگى كۇن تاقىرىبىنا وراي گازەت تىلشىسىمەن وي بولىسكەن اقتوبە وبلىسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى وتىزباي اداەۆ.

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار